👈 қаріп өлшемі 👉

  Өлеңдер ✍️

  13.06.2021
  54


Автор: Мұрат Бекей

АНА ЖҮРЕГІ

Аналарым,аман болыңдар!



Көңіл көзін арбаған көлемдердің
Сыятынын жүрекке сенен көрдім.
Лебізіңмен жеткенде сиқыр сазы
Біздің жадта жаңғырған өлеңдердің.

Зұлымдықпен жалғанда дара қалсам,
Жігерлендім бейнеңе қарап алсам.
Жалғыз тамшы жасымен мейірімнің
Жазып алдың күресте жаралансам.

Енсем жерге езіліп сергелдеңнен,
Суырып ап апаннан көмген белден.
Тылсым судай тірілтер сол жасыңмен
Қайта әкелдің өмірге өлген жерден.

Жанарыңнан жарқ етсе көңіл емі,
Мұз құрсауы қайғының сөгіледі.
Ақ шәлісін жамылған арайлы шың
Төрімдегі өзіңдей көрінеді.

Жанымнан нұр таралып,тастардан үн,
Ар жұпарын аңқытса асқарларым.
Көкірегіме құйылып Көктен қуат,
Құшу үшін келеді аспандағым.


Мақала ұнаса, бөлісіңіз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы