Өлеңдер ✍️

(Хамидидің «Қазқа вальсі»
деген әнімен айтылады)

Қай жерде отыр екен бота көзім,
Жайнатып мөлдіреген қара көзін.
Армансыз бұл дүниеден өтер едім,
Жеңіспен аман қайтар келсе кезім.

Сағынғанда сені,
Ойлаймысың мені?
Мөлдіреген көзің,
Балдан тәтті сөзің.
Айналайын,
Сәулетайым,
Сәулем, сәулем,
Ғашық жарым.
Қалқатайым.

Шат болып қуанышпен келер едім,
Келбетті, айдай жүзін көрер едім.
Мәңгілік адал ниет жан жарымды
Армансыз құшақ жайып өтер едім.

Сағынғанда сені,
Ойлаймысың мені?
Мөлдіреген көзің,
Балдан тәтті сөзің.
Айналайын,
Сәулетайым,
Сәулем, сәулем,
Ғашық жарым.
Қалқатайым.