Қазақ тілі пәні бойынша 10-сыныпқа арналған жылдық бақылау

Мақсаты: Мемлекеттік стандарттың орындалуын қадағалау; оқушылардың сауатты жазу дағдылары мен грамматика бойынша қалыптасқан білім, білік дағдыларының  деңгейін анықтау.

                                      Мамандық

Мамандық таңдау – әрбір мектеп бітіруші түлектің мақсаты. «Армансыз адам қанатсыз құспен тең» дейді халық. Барлық адам баласының арманы болады. Арманшыл адам болашақта дегеніне жете алады. Мамандық пен өнерді өз қабілетіне де қарай таңдап алады. Өмірде мамандықтың түрі өте көп. Халық алдына шығып ән салатын әнші болу. Адам өмірінің арашасы болатын ақ халатты дәрігер болу. Шәкірттерді білімге жетелейтін ұстаз болу.

Адам жас кезінен бастап өзінің жүрегі қалаған мамандығына қарай бейімделе бастайды.Терең білім алуға талпынады. Өз бетінше ізденеді. Көп оқиды. Түрлі мамандықта еңбек етіп жүрген адамдардың өмірімен танысады.

Жақсы маман болу үшін еңбек ету керек. Инженер, дәрігер, мұғалім, журналист болу үшін оқу керек. Бақташы, сауыншы, егінші, шопан болу үшін ауылда жұмыс істеу керек. Ал жақсы жұмысшы, кенші, құрылысшы болу үшін өндірісте істеу керек.

Бала шақ пен болашақ әрқашан үндесіп жатады. Болашаққа апаратын тура жол бала шақтан басталады.   (Жалпы білім беретін мектептердің мұғалімдеріне арналған оқу-әдістемелік құрал, Ж.С. Қалиева, 135 сөз)

Грамматикалық тапсырма:

                                    ІІІ деңгей.

1. Берілген сөйлемдердегі асты сызылған сөздер құрамына қарай талдаңыздар

 І нұсқа: Бірінде, он шақты бала жидек теруге келдік.

 ІІ нұсқа: Керексіз жерде-ақ сақылдап күліп, қарға адым жерде айғайлап сөйлестік.  

2. Сөздерді септеңіздер.

І нұсқа:  Өмір

ІІ нұсқа: журналист

3. Берілген сөйлемдерге морфологиялық талдау жасаңыздар.

І нұсқа: Жұмысшы

ІІ нұсқа: Мамандық

                                  ІІ деңгей.

1. Берілген сөйлемдерге синтаксистік талдау жасаңыздар.

І нұсқа: Қамшыдан қайқалақтаған Әбзидің арық қабырғасы ыржың-ыржың етіп, екі қолымен арқасын уқалай "ағатайлаған" дауысы тым ащы шықты.

ІІ нұсқа:  Кіруін ұрланып кірсек те, көңілді көкке көтеріп, қылп еткен сыбдырға жаңғырығып тұрған нуға кіргесін, айғайламасқа дәтіміз шыдасын ба!

2. Сөз тіркестерден салалас құрмалас сөйлем жазыңыздар.

Болашақ маманым, жақсы оқу, университетке түсу.

                                   І деңгей.

1. «Менің болашақ мамандығым» тақырыбына эссе жазыңыздар.