Сұрақ: Құбылмалы яки шартты түрде ниет етуге бола ма?

Жауап: Жоқ, ниет құбылмалы және шартты болмауы керек. Мысалы, «ертең қонаққа шақыра қалса, аузымды ашуға, егер шақырмаса, ораза ұстауға ниет еттім» деп ниет етуге болмайды. Мұндай құбылмалы ниетпен ораза дұрыс болмайды. Сонымен қатар екі ойлы болып, «Алла қаласа, ертең ораза ұстауға ниет еттім» деп ниет етуге де болмайды. Ал «Алла қаласа» деген сөзді Алланы еске алу үшін ғана айтып, нақты ораза ұстау ниетінде болса, онда бұлай ниет етуінде сөкеттік жоқ.