Өлеңдер ✍️

Күндіз-түні ойлауменен жүремін,
Көз алдымда көркем бейне-түр,өңің.
Жанарыңмен жан тәніме от салдың,
Самалыңнан сая тапты жүрегім.

Саған ғашық, ынтық болған гүл едім,
Біле алмадым бұл дертімнің бір емін.
Әр атқан таң өзіңменен бірге өтсе,
Жаратқаннан жалғыз ғана сұрарым!

Болмысыңа тәнті болып табынам,
Алыстасаң, аласұрып сағынам.
Көз жасыма ерік беріп, егіліп,
Оңашада ақтарылып, ағылам!

Сағынышқа оранған бір күздеймін,
Алыс кетсең, тыным таппай іздеймін.
Қанша қинап, сынаса да махаббат,
Үлбіреген үмітімді үзбеймін!