Өлеңдер ✍️
Өлеңдер ✍️
22.05.2023
100
Мен бұлт едім төніп келіп жаумаған
Көрген сәтте нұрға бөлер жан-жағын,
Ай ма, Күн бе, кім еді ол ардағың?!
Сағынышың ширек ғасыр сақталған
Жүрегіңе түсірді ме салмағын?!
Мен бұлт едім төніп келіп жаумаған,
Сен даласың шөлі бір сәт қанбаған.
Екі жақта өмір сүріп жүрсек те,
Күндерім жоқ сені есіме алмаған.
Өрге бассам өз күшіме сеніппін,
Өмірімде өз антыма берікпін!
Тұнығыңды лайлау үшін емес-ау,
Жүрегіңді байлау үшін келіппін!
Сәуір 2012
Әлеуметтік желілерде бөлісіңіз:
Facebook | VK | WhatsApp | Telegram | Twitter