Өлеңдер ✍️

  09.02.2023
  480


Автор: Саят Қамшыгер

Ганира

Күш алған жаңа ғасырдан


ақын мінезді Ганира.


Түркінің даңқын асырған


батыр мінезді Ганира.


 


Ісіңмен елді қайрадың,


жүзіңде сенің бар иба.


Көтердің Рухтың байрағын,


әзербайжандық Ганира.


 


Найзағайсың кей кездерде,


көңілің нәзік гүлге тең.


Намыссыз жасық ездерге


көрсетіп сені үлгі етем.


 


Өмірге терең бойлаған


ел-жұртың саған сенеді.


Адамзат қамын ойлаған


жүрегің неткен кең еді.


 


Әлемді оймен кезесің,


өйткені сенде білім бар.


Айтқызбай сөзді сезесің,


қылыштай өткір тілің бар.


 


Күш алған жаңа ғасырдан,


ақын мінезді Ганира.


Түркінің даңқын асырған


батыр мінезді Ганира!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу