Тақпақтар ✍️

Тышқан жылы туғандар,
Тырбынады дән теріп.
Сиыр жылы туғандар,
Жүрер сүттей нәр беріп.
Барыс жылы туғандар,
Батыр болып жетілер.
Қоян жылы туғандар,
Секең-секең секірер.
Ұлу жылы туғандар.
Ұрынбайды жауына.
Жылан жылы туғандар,
Өрмелейді тауына.
Жылқы жылы туғандар,
Тұлпар болар бір өзі.
Қой жылында туғандар,
Қорғасындай мінезі.
Мешін жылы туғандар,
Күнде сауық құрады.
Тауық жылы туғандар,
Таң атпастан тұрады.
Ит жылында туғандар,
Ұрандағыш келеді.
Доңыз жылы туғандар,
Тоқ боп жүре береді.