Өлеңдер ✍️

Өмірімді жалғар өлеңім – ұлым-жарығым,
Сәуле боп түсіп, көркейттің, күнім, барлығың.
Аққу-наз әсем, бұлбұлдың жұмақ бағына,
Тең келмейді бір ғана Сенің барлығың.
Жаңғырар әр кез жадымда сенің есімің,
Сен барда, Ерік, кесімін табар шешімім.
Жалғыз-ақ арман--азамат болып өсуің.
Жаным да жалғыз.
«Жалғызым» десем несі мін?
Жырлаймын саған тілегім, бар арманымды,
Сыйлаймын саған тірліктен бар алғанымды.
Уақыттан озған талабы биік елің бар,
Көрсем-ақ еді биіктеп қаланғаныңды!