Өлеңдер ✍️
Өлеңдер ✍️
24.05.2022
261
Есіңде ме, ерке қыз...
Есіңде ме, ерке қыз,
Есіңде ме өткенің?
Сен – дауыл боп,
(Мен – теңіз)
толқындатып кеткенің.
Махаббатқа азырақ
Сыйыспадық бірге біз.
Ойда жоқта ажырап
Кете барды іргеміз.
Әлде тіпті сенбедің,
Қалдың әлде жек көріп?
Кете бардың
Мендегі
Қимастықты бөктеріп.
Еш кінәм жоқ,
Сезіндім.
(Кештеу білдім, қап бәрін!)
Жалғыз кінәм
Өзіңнің
Өзге жігіт тапқаның.
Әлеуметтік желілерде бөлісіңіз:
Facebook | VK | WhatsApp | Telegram | Twitter