сабақ жоспары. 10 сабақ. сабақ жоспары. 10 сабақ.

7. Спорт. Белгілі спорт жұлдыздары.

Мектеп:

Күні:

Мұғалімнің аты-жөні:

Сынып:

Қатысқандар:

Қатыспағандар:

Сабақтың тақырыбы

Қазақ күресі

Осы сабақ арқылы жүзеге асатын оқу мақсаттары

6.2.1.1 мәтіннен негізгі және қосымша, детальді ақпаратты анықтау, түсіндіру.

Сабақтың мақсаты

Оқылым мәтінінен негізгі, қосымша, детальді ақпараттарды анықтап, түсіндіре білуге үйрету.

 Бағалау критерийлері

 Тілдік дағдылар

Оқушылардың тақырыпқа қатысты лексикасы дамиды.

 Құндылықтарды дарыту

Сабақ оқушылардың бойына топтық, жұптық жұмыс жасау барысында бірін-бірі тыңдай білу, өзгенің пікіріне құрметпен қарау құндылықтарын дарыту, бірін-бірі бағалауы кезінде академиялық әділдік саясатын ұстануға үйретуге бағытталған.

 Пәнаралық байланыс

Спорт, география

Бастапқы білім

Оқушылар алдыңғы сабақта алған білімдеріне сүйенеді, спорт жұлдыздары туралы білімдерін толықтырады.

Сабақ барысы

Сабаққа жоспарланған іс-әрекеттер

1-тапсырма.

 Оқушылардың қызығушылықтарын ояту мақсатында мұғалім оқушыларға «Қазақстан барысы» байқауының белгісі салынған белдіктің суретін ұсыну арқылы ой шақырады.

• Суретте қандай спорт түрінен өткізілетін байқаудың белгісі бейнеленген?
• Бұл спторттық байқау туралы не білеміз?
• Бұл белдік спорт ережесі бойынша кімге беріледі?

2-тапсырма

Мұғалім оқушыларды мәтінді мұқият оқуға шақырады. Оқушылар мәтінді мұқият оқып, мәтіннің мазмұнын топта қысқаша талқылап, мәтінге қатысты тапсырмалар орындайды.

Қазақстан барысы-2018

 Қазақстан Республикасы Тұңғыш Президентінің жүлдесі мен Астана қаласының 20 жылдығына орай ұйымдастырылған қазақ күресінен "Қазақстан Барысы" VIII республикалық турнирі аяқталды. Биылғы балуандар бәсекесінде Ержан Шынкеев жеңімпаз атанды. Өткен жылы "Қазақстан барысы" атанған Еламан Ерғалиев биыл чемпиондық атағын қорғай алмады. Балуан ширек финалда "Әскер барысы" Ерасыл Қажыбаевтан жеңілді. Балуандар тең түсіп, белдесуде Еламанның қолы белбеуден босап, жарысты аяқтады. Естеріңізде болса, Еламан да өткен жылы "Әскер барысы" атанып барып, "Қазақстан барысында" бақ сынаған еді. Жартылай финалда Ерасыл Қажыбаев Түркістан облысынан келген балуан Ерсұлтан Мұзаппаровпен белдесті. Бірден ұпай алып, шабуылда ширақтық танытты. Әйткенмен екі балуанның салмағы бірдей емес. Ерасыл – биылғы балуандар бәсекесіне қатысушылар арасындағы ең ауыр салмақты спортшы. Ерсұлтаннан 60 кг-ға ауыр болды, дегенмен жекпе-жек соңында Түркістан облысынан келген балуан намысты қолдан бермеуге тырысты. Үстін-үстін әдіс жасап, ұпай алғанмен, алып қарсыласынан айласын асыра алмады. Жартылай финалдағы Айбек Нұғымаров пен Ержан Шынкеев арасындағы белдесу аса тартысты өтті. Жанкүйерлердің ықыласына бөленіп, қос балуанның әдіс-айлалары ерекше болды. Белдесудің соңында Ержан ұтылып тұрып, шығыс қазақстандық балуанды өз әдісіне түсірді. Нәтижесінде финалға жолдама алды. Биылғы "Қазақстан барысына" алып балуандар шықты. Ерасыл Қажыбаевтың салмағы 151 кг (ең ауыр балуан) болса, Ержан салмақ өлшеу рәсімінде қарсыласынан 20 кг жеңіл шыққан болатын. Финалдық белдесуді Ержан Шынкеев ширақ бастады. Бүк ұпайын алып, оны жамбас ұпайына айналдыра білді. Ал Ерасыл жарақаты барын аңғартып, ауырсына жүріп белдесті. Ержан шеберлігін танытып, алғаш рет Қазақстан барысы атанды. Ал алғаш рет Қазақстан барысына қатысқан Ерасыл Қажыбаев күміс белбеу иегері атанды.

3-тапсырма

Мұғалім оқушыларды мәтінді қайта оқып шығып, негізгі және қосымша ақпараттарды анықтауға шақырады.

• Мәтінді қайта оқып, негізгі және қосымша ақпараттарды анықтаңыздар.

4-тапсырма

• Мәтінмен жұмыс жасау арқылы детальді ақпараттарды анықтаңыздар.

Детальді

ақпараттар: Түсіндірмесі:

ДЕСКРИПТОРЛАР

• Мәтіннен негізгі ақпараттарды анықтап түсіндіреді;
• Мәтіннен қосымша ақпараттарды анықтап түсіндіреді;
• Мәтіннен детальді ақпараттарды анықтайды, түсіндіреді;

Рефлексия

Мұғалім сабақ соңында оқу мақсатына қайта оралып, оған қаншалықты жеткендіктерін талқылайды.

«Аяқталмаған сөйлем» әдісі арқылы оқушылар өздерінің іс-әрекеттеріне кері байланыс жасайды.

«Мен бүгін ...

Мен үшін қиын болды...

Мен тапсырманы ...

Мен түсіндім...

Алдағы уақытта ...

Мені таң қалдырды ...»

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді жоспарлайсыз?

Денсаулық және қауіпсіздік ережелерін сақтау