4.Қазақ тілі_3-сынып_2-бөлім_Жақсыдан үйрен, жаманнан жирен_БЖБ_Әдістемелік нұсқау

 Мұғалімге әдістемелік нұсқау

Бөлім: «Жақсыдан үйрен, жаманнан жирен»

Сабақ тақырыбы: «Жақсыдан үйрен, жаманнан жирен» ортақ тақырыбы бойынша жиынтық бағалау. (БЖБ)

Сөйлеу әрекетінің түрлері: Оқылым. Жазылым.

Сабақ мақсаттары

Бағалау критерийі:

- Мәтін мазмұны бойынша пікір білдіруге бағытталған сұрақтар құрастырады және жауап береді;

- Мәтіндегі негізгі ойды анықтай алады;

- Тірек сөздер қолданып, әңгімелеу мәтінін құрап жаза алады.

Ресурстар: Сұрақтар және тапсырма жазылған үлестірме қағаздар т.б.

Қауіпсіздік және денсаулық сақтау жағдайын назарда ұстап оқушылардың сынып ішінде қозғалысын ұйымдастыру қажет. Оқушылардың оқу әрекетінің түрін жүйелі алмастырып, шаршамауын қадағалау керек.

Сабаққа қатысты ескертпелер

 Сынып оқушыларымен бірге талқылау ұйымдастыру. Оқушылардың еркін пікірін білдіруіне қолайлы жағдай жасау.

 «Жақсыдан үйрен, жаманнан жирен» тақырыбын оқып аяқтадық. Өздеріңнің бойыңда қандай қасиеттеріңді дамытқыларың келеді? Айналадағы жағдаяттарға пікір білдіруде әділ болу қолыңнан келеді ме? Ендеше мына суретке назар аударыңдар.

- Суретті көргенде қандай сезімде болдың?

- Бұл сурет туралы не білгің келеді?

- Осы сурет саған қандай ой салды?

Бөлім бойынша алған білім, игерген оқу дағдыларымызды байқау мақсатында жиынтық бағалау орындаймыз.

Оқу мақсаттары мен тапсырманы орындау ережесі таныстырылады.

Егер БЖБ тапсырмасын интерактивті тақтадан көрсету мүмкіндігі болса, оқушылар жұмысты дәптерлерінде орындауына болады. Тапсырманы қағаз бетіне басып шығару орнына алдын ала тақтаға жазып қою мүмкіндігін де қарастыруға болады.

Бөлім бойынша жиынтық бағалау тапсырмаларын оқушылар өз бетінше орындайды.

Ойлау дағдыларының деңгейі: қолдану

Орындау уақыты: 20 минут

Қосымша №2

1-тапсырма. Мәтінді оқы.

• Суға батып бара жатқан адамға неліктен ешкім көмек бермеді?

 А. Ол өтірік айтып жатыр деп ойлады.

 Ә. Ол үнемі шындықты айтады деп ойлады.

 Б. Оның сөзіне барлық адам сенеді.

• Ертегі мазмұны бойынша сұрақ құрастырып жаз

1.________________________________________________

• Ертегіден өзіңе қандай ой түйдің?

______________________________________________________________________________________________________________________________________________

2-тапсырма. Тірек сөздерді қолданып, ертегіні қалай аяқтар едің?

Тірек сөздер: құтқарды, түсінді, шындық, қуанды.

Өзеннің қатты ағысымен суға батып бара жатып: «Суға батып барамын, көмектесіңдер! Құтқарыңдар!» деп айқайлайды . ________________________________________________________________________________________________________________________________________________________________________________________________________________________________________________________________________________________________________________________

Оқушылардың өз жұмыстарын қайта оқып, тексеріп шығуына уақыт беру.

Өз-өзіңді тексер

- Сөйлемдер түсінікті құрастырылған ба?

- Мәтіндегі сөйлемдердің өзара мағыналық байланысы сақталған ба?

- Сөйлемнің емлесі сақталған ба?

- Cөздердің қатесіз жазылуын тексер.

«Сұрақтар ілмегі» әдісі бойынша алдыңғы білім пысықталады. Бөлім бойынша өткен негізгі оқу мақсттары қайталанып, еске түсіріледі.

- Дауыссыз дыбыстарды ата.

- Э дыбысы қандай сөздерде кездеседі?

- Ч-щ дыбыстары қандай дыбыс түріне жатады?

- Өзге тілден енген қандай сөздерді білесіңдер?

Жауаптары дайын болған оқушылар бірінен соң бірі кезегімен жауап береді.

(Ө. Қ) «1 минуттық жазу» өзге тілден енген сөздерді сауатты жазу дағдыларын қалыптастыру мақсатында ұйымдастырылады. Өз бетінше 1 минут ішінде сөздер қатарын жазып шығу тапсрырылады. Сөз санын белгілеп, шағын топта идея алмасады. Сөздерін толықтырады. Өзара сауатты жазылуын тексереді.

Оқушыдлардың БЖБ жиналып алынады.

 Оқушылардың әр тапсырманы орындауы тексеріледі. Дескрипторға сәйкес ұпай беріледі.

«Жақсыдан үйрен, жаманнан жирен» ортақ тақырыбы бойынша жиынтық бағалаудың нәтижесіне қатысты ата-аналарға ақпарат ұсынуға арналған рубрика

Білім алушының аты-жөні ____________________________________________