Бейорганикалық қосылыстар арасындағы генетикалық байланыс. Химия, 8 сынып, қосымша материал.

«БЕЙОРГАНИКАЛЫҚ ҚОСЫЛЫСТАРДЫҢ НЕГІЗГІ КЛАСТАРЫ АРАСЫНДАҒЫ ГЕНЕТИКАЛЫҚ БАЙЛАНЫС» ТАҚЫРЫБЫНА ӘДІСТЕМЕЛІК КЕҢЕСТЕР

Сынып: 8, 4-тоқсан

Ұзақ мерзімді жоспар бөлімі: 8.4А Бейорганикалық қосылыстардың негізгі кластары. Генетикалық байланыс.

Сабақтың оқу мақсаты «бейорганикалық қосылыстардың негізгі кластары арасындағы генетикалық қатынастарды зерттеу» болып табылады.

 Бұл сабақта оқушыларға білімді дайын бермей, олардың алдында белгілі проблемалы міндет қойып, соны өздері ізденіп шешуіне бағыттайды. Проблемалы болуының негізгі шарты – оқушыда дайын жауап немесе үлгі болмайды және оқушы өзінің білетіні мен білмейтінінің арасындағы қайшылықты, басқаша айтқанда, берілген проблеманы шешуге керекті білімнің немесе тәсілдің жетіспей тұрғанын сезінеді.

 Оқушының өзінде бар іздену құралдарымен (білім, икемділік, іздену тәжірибесі, т.б.) шешуге болатын проблемалы жағдай туғызылады. Проблемалық оқыту тек проблемалық жағдай тудырып қана қоймай, оны дұрыс шеше білу тәсілдерін меңгертуді де қажет етеді. Ол үшін мұғалім оқушының материалда кездесетін ой, пікір қайшылықтарын дұрыс аңғаруына жағдай жасап, оны шешудің жолдары мен тәсілдерін меңгеруге, өздігінен ізденудің,зертеудің амалдарын үйретіп, бағыттайды.

 Оқушылар өздері сызбанұсқа құрап шығады.

Күрделі бейорганикалық заттар

Оксидтер негіздер қышқылдар тұздар

Негіздік Қышқылдық Сілтілер Амфотерлі Бір негізді үш негізді оттекті оттексіз

Амфотерлі суда еримейтіндер екі негізді

 Содан соң оқушылар бейорганикалық қосылыстардың арасындағы байланыстарды көрсететін тапсырмаларды орындайды, реакция теңдеулерін жазып, оларды теңестіреді.

 Тапсырмалар

• Берілгені: O₂, H₂O, Na, KOH, CuO, NaOH, Na₂SO₄, SO₃, HCI, Na₂O, CuSO₄. Осылардың ішінен генетикалық өзара байланысы бар заттарды тауып, өзара айналуларын реакция теңдеулерін жазу арқылы дәлелдеңдер.
• Төмендегі айналуларды іске асыруға болатын тиісті реакция теңдеулерін жаз: 

а) Cu →  CuO → CuCI₂ → Cu(OH)₂  → CuO  → CuSO₄

ә) AICI₃  → AI(OH)₃  → AI₂O₃  → AI₂(SO₄)₃   → AI(OH)₃   → AI(OH)₂CI

• Төмендегі сызба нұсқалардағы белгісіз заттарды тауып,айналуларды жүзеге асыруға мүмкіндік беретін химиялық реакция теңдеулерін жазыңдар:

      1)      Na    →   X  →  Na₂SO₄  →Ba₂SO₄

      2)      H₂S  →  X  →   SO₂  →  У →  H₂SO₄  → MgSO₄