👈 қаріп өлшемі 👉

Ана тіліне тағзым (Ана тіліне тағзым. М.Әлімбаев; Сүйемін С.Торайғыров). Әдебиеттік оқу, 3 сынып, сабақ жоспары.


Пән: Әдебиеттік оқу

Бөлім: Демалыс мәдениеті. Мерекелер

Күні:

Сынып: 3

Мектеп: Астана қаласы, №54 мектеп-лицей

Мұғалімнің аты-жөні: Оразбекова Г. А.

Қатысқандар саны:

Қатыспағандар саны:

Сабақ тақырыбы

Ана тіліне тағзым (Ана тіліне тағзым. М.Әлімбаев; Сүйемін С.Торайғыров)

Оқу мақсаттары

3.2.1.2 шығарманы іштей саналы түрде түсініп, көз жүгіртіп/ шолып/ түртіп алып/ қажетті ақпаратты тауып/ белгі қойып/сын тұрғысынан бағалап оқу;

3.2.3.1 шығарманың тақырыбын анықтау және негізгі ойды білдіріп тұрған мәтін бөлігін/сөйлемді анықтау.

Сабақ мақсаттары

Барлық: өлеңді түсініп оқиды, мазмұнын түсінеді, өлеңге тақырып қояды;

Көптеген оқушылар: өлеңнен қажетті ақпаратты түртіп алып оқиды; өлең бойынша сұрақтарға жауап береді;

Кейбір оқушылар: өлеңнен негізгі ойды білдіретін сөйлемді анықтайды;

Бағалау критерийлері

  • өлеңге тақырып қояды;
  • өлеңдегі негізгі ойды білдіретін сөйлемді анықтайды;
  • өлеңнен қажетті ақпаратты тауып оқиды;
  • өлең бойынша сұрақтарға жауап береді;
  • дереккөздерден тақырыпқа қатысты ақпарат жинайды және таныстырады.

Тірек сөздер

Оқушылар:

Өлеңді түсініп оқиды. Дереккөздерден тақырыпқа қатысты ақпарат жинайды және таныстырады

Пәнге қатысты лексика мен терминология:

Анам тілі, туған тілім, таныс үнім, анасынан безген ұл, бағып-қағамыз.

Диалог құруға /жазылымға қажетті сөздер топтамасы:

Тілді шұбарламау дегенді қалай түсінесің?

Құндылықтарды дарыту

«Азаматтық жауапкершілік», «Құрмет», «Еңбек пен шығармашылық» сияқты құндылықтарын бойына сіңіру, адамгершілік құндылықтарды сақтау.

Пәнаралық байланыстар

Өз ойын білдіруде сөздерді дұрыс қолданады, сөйлемдегі сөздерді дұрыс байланыстыру арқылы қазақ тілі пәнімен байланыс жасалады

АКТ қолдану дағдылары

Интербелсенді тақта

Алдыңғы білімді игерулері

Өлеңді түсініп оқи алады, өлеңдегі негізгі ойды білдіретін сөйлемді анықтайды

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

1-5минут

Ширату тапсырмасы

«Ұйқасын тап» ойыны арқылы топтарға бірігеді.

Мақал - мәтелдердің жалғасын табуКішкене парақшалардағы мақал - мәтелдердің ұйқасын табады.1. Ана тілін білмейтін адам............... (Надан)2. Бал тамған тілден........... ( у да тамады)3. Тіл тас жарады........... (тас жармаса бас жарады)4. Ана тілім -........... (дана тілім)

1,3-топ - «Тіл»

4,2-топ - «Отан»

Сабақтың тақырыбы мен оқу мақсатымен таныстыру. Бағалау критерийін оқушылармен бірлесе құрастыру немесе таныстыру.

Қосымша 1

Слайд №1-3

Сабақтың ортасы

6-11 минут

12-22 минут

23-27минут

28-35минут

Автормен танысу

Сұлтанмахмұт Торайғыров - (28.10.1893, қазіргі Солтүстік Қазақстан облысы Уәлиханов ауданы – 21.5.1920, Павлодар облысы Баянауыл ауданы) – ақын, ағартушы.

1-тапсырма

(Ж,Ұ) «Төрт сөйлем» әдісі

Үнтаспадан С.Торайғыровтың «Сүйемін» өлеңін тыңдау

1. Пікір. Тыңдаған материал бойынша өзіндік пікірін бір сөйлеммен жазады.

2. Дәлел. Өлеңдегі негізгі ойды білдіретін сөйлемді анықтайды.

3. Сұрақ. Өлеңге сүйеніп, ана тілі туралы сұрақ ойластырады.

4. Қорытынды. Өлеңге тақырып қояды.

Саралау: Барлық оқушыларға бағытталған нұсқау бере отырып, олардың әрқайсысының өздерінен не күтілетіндігін түсінгендеріне көз жеткізу.

(Б) «Мадақтама» әдісі Оқушылардың берілген тапсырма бойынша орындаған іс-әрекетін «Тамаша!» «Жарайсың!» «Керемет!» сөздерімен мадақтау.

2-тапсырма

(Ж, ЖЖ) «Көршіңізге айтыңыз»

Мұзафар Әлімбайдың «Ана тіліне тағзым» өлеңін оқушылар оқи отырып, қажетті ақпаратты белгілеп отыру тапсырылады. Өз бетінше оқуға 4-5 минут уақыт аралығы беріледі. Өлеңнен қажетті ақпаратты алу үшін оқушылар стикермен белгілеп отырып оқиды. Белгілеп алынған қажетті ақпаратқа стикерлер жапсырылады. Оқушылар өзінің өлеңнен стикермен белгілеп жинаған мәліметтерін көршісімен бөліседі.

Үлгі: Ана тіл, туған анамыздай сыйлаймыз, ана тілін бағалаймыз, ана тілін аялау, анасынан тілін қорлаған адам безеді.

Саралау: Ынтымақта бірлікте жұмыс жасап, білгенін жолдастарымен бөлісіп, түйінді ойды, тақырыпты ортаға салып талқылайды.

(Б) «Түстер(жасыл, қызыл)» әдісі

Оқушылар бір-бірінің жұмысын бағалау арқылы әр оқушы өз жұмысында нені толықтыру керек, қандай өзгертулер енгізу керектігін анықтайды

3-тапсырма

(Т) « Жаңалық ашамыз» әдісі

Оқушыларға түрлі дереккөздер ұсынылады. Ғаламтордан немесе энциклопедиядан ақындарымыздың тіл туралы қанатты сөздер, афоризмдер жинастырады.

Үлгі:

Тәрбие басы – тіл (Махмұд Қашқари)

Тіліңді тый – тісің сынбайды (Ахмет Игүнеки)

Басқа пәле – тілден (Жиренше)

Тіл – өткір найза (Майлықожа Сұлтанқожаұлы)

Тіріде – жанға тыным жоқ, қызыл тілде буын жоқ (Базар Оңдасұлы)

Тіл жүректің айтқанына көнсе – жалған шықпайды (Абай)

Тілі жоғалған жұрттың өзі де жоғалады (Ахмет Байтұрсынов)

Тілден – зікір, көңілден – пікір (Сұлтанмахмұт Торайғыров)

(ЖЖ, МК) «5 жолды өлең» әдісіне сүйеніп «Ана тілім» деген тақырыпта өлең құрастырады.

Бес жолды өлең (5 минут)

1. Зат есім: Ана тілім

2. Сын есім: құрметті, бағалы

3. Етістік: аялайды, сүйеді, үйренеді.

4. Сөз тіркесі: Ана тілін сүйеді.

5. Синоним: Анам тілі

Саралау: Орындау барысында қарқын арқылы саралау. Кейбір оқушыларға қосымша уақыт беріледі.

(Б) «Топ белсенділіктерін бақылау» әдісі

Топпен жұмыс және ұжыммен жұмыс кезінде тапсырманы орындау барысында топ мүшелерінің бірлесіп жұмыс жасауы мен белсенділіктерін бақылай отырып тапсырманың орындалуын бағалау.

4-тапсырма

(Ж,Т) «Венн диаграмма» әдісі

Ойлау мен үйренуге бағытталған әрекет мағынаны тану (түсіне білу) деп аталады. Мағынаны ашып, мәнін тану үшін оқушы бұл кезеңде танысқан ақпаратты салыстырады, тақырып бойынша жұмыс істейді, тапсырмалар орындайды. Оның өз бетімен жұмыс жасап, белсенділік көрсетуіне жағдай жасалады (арнайы мәтіндер, тапсырмаларды, түрлі амалдарды қолдана беру, әртүрлі әдістерге сәйкестендіру, т.т.).

Саралау:Оқушылар жылдам әрі тұжырымды ойлауға дағдыланады. Құнды ой жинақтап, ойын ашық айтады

) «Жапондық бағалау» әдісі арқылы оқушылар жұптық жұмысты бағалайды.

«ООО»- тамаша

«МММ» - жақсы

«Сұқ саусақ» -келісемін

«Екі саусақты» -сұрағым бар

Слайд №4

Слайд №5

https://www.youtube.com/watch?v=KOwkMmHUtwU

қосымша 2,3,4,5

Слайд №7

Слайд № 8

Толығырақ: https://massaget.kz/layfstayl/bilim/gumanitarly-ylymdar/21394

Слайд №9

Қосымша 6

Слайд №10

Қосымша 7

Сабақтың соңы

36-40 минут

Кері байланыс “Пайымдау сұрақтары”

  Сабақ соңында мұғалім оқушыларды ой-толғаныс жасауға итермелейтін сұрақтар қояды: Сабақта не маңызды болды, не қызық болды, жаңадан не білдіңдер, не үйрендіңдер т.с.с. Бір сұраққа бірнеше оқушы жауап беруі мүмкін.

Саралау

1-тапсырмада

Ынтымақта бірлікте жұмыс жасап, білгенін жолдастарымен бөлісіп, тақырыпты ортаға салып талқылайды

2-тапсырмада

Топта балалар бірге жұмыс жасайды және өз идеяларын айтуға үйренеді

3-тапсырмада

Көмек қажет ететін оқушыларға түсіндіру жұмысымен бірге қосымша уақыт беріледі. Қабілеті жоғары оқушылар кестені өз бетінше жалғастырады

4-тапсырмада

Топтық тапсырмалар арқылы оқушылардың ынтасы артады. Оқушылар бір-бірін тыңдайды және толықтырады

Бағалау

«Топ белсенділіктерін бақылау» әдісі

«Түстер» әдісі

«Жапондық бағалау» әдісі

«Мадақтама» әдісі

Дескриптор

  • өлең мазмұнын түсінеді;
  • өлеңді қатесіз, мәнерлеп оқиды;
  • мақал-мәтелдерді орынды қолданады;
  • өлең бойынша сұрақтар құрастырады және оған жауап береді;
  • өлең кейіпкеріне хат жазады.

Денсаулық және қауіпсіздік техникасының сақталуы

Топ ережесін сақтау ескеріледі

Желіммен жұмыс жасауда қауіпсіздік ережелері ескертіледі

Сабақ бойынша рефлексия

Сабақ мақсатына жеттім бе?

Оқушылар не үйренді?

Ынтымақтастық атмосферасы орнады ма?

Оқушылар арасындағы дифференциациялау бойынша іс-әрекеттер ұтымды болды ма?

Жоспарланған уақытты ұстандым ба?

Жоспардан қандай шегіністер жасадым және неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?


Құрметті оқырман! Файлдарды күтпестен жүктеу үшін біздің сайтта тіркелуге кеңес береміз! Тіркелгеннен кейін сіз біздің сайттан файлдарды жүктеп қана қоймай, сайтқа ақпарат қоса аласыз! Сайтқа қосылыңыз, өкінбейсіз! Тіркелу
Толық нұсқасын 30 секундтан кейін жүктей аласыз!!!


Кейінірек оқу үшін сақтап қойыңыз:


Қарап көріңіз 👇



Жаңалықтар:
» Айлакер-алаяқтар интернетте делдалдарды қалай және қандай мақсатпен іздейді 26.11.2022
» Түркия: Ыстанбұлда тағы жарылыс 17.11.2022
» Қазақстандықтар тісін тегін емдете алады: Шарттары қандай? 08.11.2022

Пікір жазу



Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы