Көркем шығарма элементтерін салыстыру «Кішкентай кісілер» «Ағайынды Гримм» . Әдебиеттік оқу, 3 сынып, сабақ жоспары.

Пән: әдебиеттік оқу

Ұзақ мерзімді жоспар бөлімі:

Өнер

Күні:

Сынып: 3

Мектеп: Қарағанды қ.

Мұғалімнің аты-жөні: Шадетова А.К.

Қатысқандар саны:

Қатыспағандар саны:

Сабақ тақырыбы

2.8 Көркем шығарма элементтерін салыстыру

«Кішкентай кісілер» «Ағайынды Гримм» ертегісінен

Оқу мақсаттар

3.2.8.1 эпизодтерді салыстыру, сюжеттің дамуындағы өзгерістерді анықтау

3.3.1.1 мұғалім көмегімен оқылған шығарманы логикалық бөліктерге бөліп, әр бөлікке ат қойып жоспар құру

Сабақ мақсаттары

Барлық оқушылар: ертегінің эпизодтерін салыстырып, сюжеттің дамуындағы өзгерістерді анықтайды, логикалық бөліктерге бөліп, әр бөлікке ат қояды.

Көптеген оқушылар: сюжеттің дамуындағы өзгерістерді анықтап, талдау жасай алады, әр бөлікке ат ұсынады.

Кейбір оқушылар: ертегі мазмұнының ретін сақтай отырып, жинақтап, бөліктерге бөле алады.

Бағалау критерийлері

• ертегі жалғасын іштей оқиды;
• эпизодтерін салыстырады;
• сюжеттің дамуындағы өзгерістерді анықтайды;
• ертегіні бөлімдерге бөледі, жоспар құрады.

Тілдік мақсаттар

Пәнге тән лексика мен терминология: көз ілеспеу, тыным таппау,аң-таң болу,еңбегі жану

Диалог пен жазу үшін пайдалы сөздер мен тіркестер:

1. Эльфтер не көзден ғайып болды?

2. Кішкентай кісілердің келуін қалай тосып отырады?

3. Кішкентай кісілерге сыйлыққа не дайындады?

Құндылықтарды дарыту

Жұппен жұмыс барысында оқушылардың арасында ынтымақтастық қарым-қатынас қалыптасады.

Жеке жұмыс жасау барысында еңбек ету және шығармашылық құндылықтары қалыптасады.

Тапсырманы орындай отырып, тақырыпты өмірмен байланыстырады.

Пәнаралық байланыстар

Ертегіні логикалық бөліктерге бөлуде қазақ тілі пәнімен байланыс орнатылады

АКТ қолдану дағдылары

Интербелсенді тақтадан көрнекі суреттер беріледі

Бастапқы білім

Жоспар құра алады, сюжеттің дамуын анықтай алады.

Сабақ барысы

Сабақтағы жоспарланған іс-әрекет

Ширату тапсырмасы

Мұғалім оқушыларға алдыңғы сабақтағы оқылған ертегінің үзіндіні оқып береді. Оқушылар сол үзіндіге ат қояды. Осы тапсырмада қандай іс-әрекет жасалғаны сұралады. Сабақ мақсат оқушылармен бірге айқындалады.

Оқу мақсатын анықтау: ертегінің эпизодтерін салыстырып, сюжеттің дамуындағы өзгерістерді анықтайды, логикалық бөліктерге бөліп, әр бөлікке ат қойып жоспар құрайды. Бағалау критерийімен таныстыру.

1-тапсырма

(Ө). «Стоп кадр» әдісі. «Кішкентай кісілер» («Ағайынды Гримм» ертегісінен алынған) ертегісінің жалғасын оқушылар жеке оқиды.

1. Ертегі жалғасын оқып отырған кезде бір оқушыға «стоп кадр» деген белгі немесе сигнал беріледі, сол оқушы оқып отырған ертегінің тоқтаған жерінен түсінгенін айтады.

2.Мәтін аяқталғанша осылай кезекпен жалғасады.

3.Барлық оқушылар оқып болғаннан кейін, оқу тілін зерделеуге жұмыс жүргізіледі, мысалы: түсініксіз сөздерді түсіндіріледі ((көз ілеспеу, тыным таппау, аң-таң болу, еңбегі жану)

4. Оқушылардан өз ойларын, пікірлерін пысықтау үшін немесе автордың жазғанын ой елегінен өткізу үшін ертегіні шолу тапсырылады

5. Қажеттілігіне қарай мәтін бойынша бірнеше сұрақтар қойылады.

1. Эльфтер не көзден ғайып болды?

2. Кішкентай кісілердің келуін қалай тосып отырады?

3. Кішкентай кісілерге сыйлыққа не дайындады?

Саралау: қарқын тәсілі арқылы cараланады. Кейбір оқушыларға қосымша уақыт беріледі.

Б: «От шашу» әдісімен өз жұмыстарын бағалайды.

2-тапсырма

(ЖЖ) «Шахмат» әдісі. Ертегінің алдынғы бөлігі мен бүгінгі сабақта оқылған жалғасындағы оқиғалар мен эпизодтер негізінде маңызды тұстарына талдау жасап, сюжеттің дамуындағы өзгерістерді анықта.

1. «Шахмат» әдісінде әр топ оқушыларына шахмат тақтасының суреті бейнеленген тақта-парақтар таратылады.

2.Оқушылар тақтаны пайдалану арқылы бос ақ ұяшықтарға ертегідегі эпизодтер мен оқиғалардың негізінде өз ойларын кезекпен жазады.

3.Жазып болғаннан кейін ой бөлісіп, сюжеттің дамуындағы өзгерістер туралы әңгімелейді.

4.Соңында әр топ өз тақтасына сүйене отырып, маңызды ақпарат туралы ой бөліседі.

Саралау: диалог және қолдау көрсету тәсілі арқылы сараланады. Кейбір оқушыларға жан-жақты әрі нақты көмек көрсетіледі.

Б: «Күншуақ» Оқушылар жұппен жұмыс жасау барысында талқыланған мәліметтердің түсінгендігін былай көрсетеді:

Барлығын түсінсе - күнді

Жартылай түсінсе – күн мен бұлтты

Ештеңе түсінбесе – бұлтты

3 - тапсырма

(Т;Ұ) «Оқиға шыңы» әдісі. Ертегіні логикалық бөліктерге бөл.

1.Мұғалімнің көмегімен оқушылар ертегіні қанша бөліктерге бөлуге болатынын бірге анықтайды. Мұғалім ертегі бөліктерін «Оқиға шыңы» арқылы қалай бөлуге болатынын түсіндіреді: таудың сол жақ етегі - мәтіннің басталуы, таудың басы - мәтіннің ортасы, таудың оң жақ етегі - мәтіннің соңы.

2. Әр топқа тау суреті бар А3 форматтағы қағаз беріледі. Топ ішінде оқушылар жұппен жұмыс кезінде жинақталып, сараланған мәліметтеріне сүйене отырып, стикерлерін «Оқиға шыңына» сай бөліктеріне орналастырады.

3. Нәтижесінде мұғалім нақты ертегі бөліктерін оқиды, топ мүшелері стикерлерді дұрыс ертегі бөліктеріне сай қайтадан орналастырады.

Саралау: қорытынды тәсілі арқылы сараланады. Барлық оқушыларға бағытталған нұсқау бере отырып, түсінгендеріне көз жеткізу.

Б: «Білім ағашы»

Әрбір жапырақтың өзіне тән түсі бар:

жасыл – «барлығын дұрыс істедім»

сары – «қиындықтар болды»

қызыл – «көп қателестім»

4- тапсырма

(Т;Ұ) 1.Мұғалім әр топқа «Оқиға шыңындағы» мәтін бөліктеріне жапсырған стикерлеріне сүйене отырып, жоспар құрастыруды ұсынады. 2.Оқушыларға жоспар құруға өз ойларын жинақтауға уақыт беріледі. Ойлануға 30 cекунд уақыт беріледі.

3.Топ ішінде оқушылар мәтін бөліктерін ретімен орналастыру арқылы жоспар құрайды.

4.Топтардың жоспарын сыныппен талқылап, мұғалімнің көмегімен дұрыс жоспар құрылады.

Жоспар үлгісі

1. Етікшінің кедейленуі

2. Тігілген етіктер

3. Етікшінің бай болуы

4. Етікті кімнің тігіп жүргенін анықтау

5. Кішкентай кісілерге сыйлық әзірлеу

6. Кішкентай кісілердің көзден ғайып болуы

Саралау: диалог және қолдау көрсету тәсіліне сүйене отырып, топтың ішіндегі қолдауды қажет ететін оқушыға сөзбен қолдау көрсетіледі

Б: «Пантомима»

Қолдарын жоғары көтерсе – жоспарды дұрыс құра алдым

Басын төмен ұстаса – жоспар құруда қателер болды

Бетін қолмен жапса – жоспарды дұрыс құра алмадым.

Рефлексия: «Бес саусақ»

Бас бармақ – бүгігі сабақ ұнады

Балан үйрек – басқаларға көрсеткен көмегім

Ортан терек – менің көңіл күйім

Шылдыр шүмек – Не істедім? Неге жеттім?

Кішкене бөбек – Менің тілегім

Саралау

1-тапсырманы орындау қарқын тәсілі арқылы cараланады. Кейбір оқушыларға қосымша уақыт беріледі.

2-тапсырманы орындау барысында диалог және қолдау көрсету тәсілі арқылы сараланады. Кейбір оқушыларға жан-жақты әрі нақты көмек көрсетіледі.

3-тапсырманы орындау барысында қорытынды тәсілі арқылы сараланады. Барлық оқушыларға бағытталған нұсқау бере отырып, түсінгендеріне көз жеткізу.

4-тапсырманы орындау барысында диалог және қолдау көрсету тәсіліне сүйене отырып, топтың ішіндегі қолдауды қажет ететін оқушыға сөзбен қолдау көрсетіледі

Дескриптор

• Ертегі жалғасын іштей оқиды
• Эпизодтерін салыстырады Сюжеттің дамуындағы өзгерістерді анықтайды
• Ертегінің бөліктерін анықтай алады.
• Жоспар бойынша оқиға желісін орналастыра алады.

Сабақ бойынша рефлексия

Жалпы баға. Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?