👈 қаріп өлшемі 👉

Оқу түрлерін қолдану «Кішкентай кісілер» «Ағайынды Гримм» . Әдебиеттік оқу, 3 сынып, нұсқаулық.


 Бөлім: Өнер

 

 Сабақ тақырыбы: 2.1 Оқу түрлерін қолдану. «Кішкентай кісілер» «Ағайынды Гримм» ертегісінен

 Оқу мақсаттары:

 3.2.1.2 шығарманы іштей саналы түрде түсініп, көз жүгіртіп/ шолып/ түртіп алып/ қажетті ақпаратты тауып/ белгі қойып/сын тұрғысынан бағалап оқу

 3.1.3.1 шығармадағы кейіпкерлердің мінез-құлқы мен іс-әрекетіне, ондағы оқиғаларға сүйеніп, сюжеттің дамуын болжа

 3.3.3.1 шығармашылық жұмысын сурет/сценарий түрінде ұсыну

 

 Сабақ мақсаттары:

 Барлық оқушылар: шығарманы іштей саналы түрде түсініп оқиды, ондағы оқиғаларға сүйеніп, сюжеттің дамуын болжап, ертегі бойынша сурет салады.

 Көптеген оқушылар: сюжеттің дамуын болжауда шығарманың маңызды тұстарын анықтай отырып сын тұрғысынан бағалауды түсіндіреді.

 Кейбір оқушылар: шығарманың негізгі ойын түйіндеп, өмірмен байланыстыра алады.

 

 Бағалау критерийлері

  •   ертегіні түсініп оқиды;
  •   сюжеттің дамуын болжайды;
  •   ертегі бойынша сурет салады.

Қажетті ресурстар: А-4 парақ,флипчарттар,карточкалар, түрлі-түсті қарындаштар

 

 Сабақ барысы

 

 Сабақтың басы:

 Ширату тапсырмасы. Бастапқы білімді еске түсіру және сабақ мақсатын анықтау үшін «Суреттер сөйлейді» әдісін қолданыңыз. Оқушыларға тақтадан суреттер көрсетіңіз. Сол сурет бойынша сюжетті болжап, суретке ат қоюды тапсырыңыз.

 Ол үшін сыныпты шағын топтарға бөліңіз. Бөлінген топтар өз нұсқаларын талдап, барлық сыныпқа кезекпен айтады. Сол нұсқалардың ішінен «Қызықты», «Ерекше», «Мазмұнды», «Мен үшін қызықты» деген бірнеше номинациялар бойынша марапаттауды ұйымдастырыңыз. Марапатты оқушылар өздері тағайындайды.

 Жаттығу бойынша ойларын қортындылап, сабақ тақырыбы және оқу мақсаттарымен таныстырыңыз. Оқушылармен бағалау критерийін бірге құрастырып немесе таныстырыңыз.

 Сабақ мақсаты: шығарманы іштей саналы түрде түсініп оқиды, ондағы оқиғаларға сүйеніп, сюжеттің дамуын болжап, ертегі бойынша сурет салады. Бағалау критерийімен таныстыру.

 

 Сабақтың ортасы:

 

 1-тапсырма

 Бұл тапсырмада алдыңғы тапсырманың жауабын әңгімеден табуға көмектеседі. Сондай-ақ, оқушылардың іштей оқу дағдыларын дамытады.

 Тапсырманы орындау бойынша нұсқаулық.

 (Ө) Оқушылар («Ағайынды Гримм» ертегісінен алынған) «Кішкентай кісілер» ертегісінің үзіндісін оқуды тапсырыңыз.

 1. Ертегіні түсіп оқып шығуға уақыт беріңіз.

 2. Алдыңғы тапсырмадағы болжамың дұрыс па?, барлық топпен анықтап өз пікірлерін білдіру үшін «Кезек менде» әдісін қолданыңыз. Оқушылар «Кезек менде» деп өз ойларын кезекпен білдіреді.

 Саралау: қарқын тәсілі арқылы саралау жоспарланады. Тапсырманы орындау кезінде қарқыны жылдам оқушылар ескеріліп, қосымша мәтін мазмұны бойынша сұрақтар құрастыртуды ұсынуға болады.

 Қ/Б «Бас бармақ»

 Бас бармақ жоғарыға қарап тұрса = Мен түсінемін.

 Бас бармақ көлденең тұрса = Мен түсінгендеймін.

 Бас бармақ төмен қарап тұрса = Мен түсінбедім

 2-тапсырма

 Оқушылар оқығаны бойынша талқылайды, түсінгендерін ортаға салады.

 Тапсырманы орындау бойынша нұсқаулық.

 1. (Ж) «Мәтін бойынша сұрақтарға жауап бер» деген тапсырма беріңіз. Тапсырманы орындау үшін «Ия, жоқ» әдісін пайдаланыңыз.

 1. (Ұ,Ж) Алдымен бір оқушыға доп лақтырыап, ойынның барысын түсіндіріңіз. Сол оқушы мұғалім сұрағына келісетінін немесе келіспейтінін «ия», «жоқ» жауабы арқылы айтады. (Сонымен қатар ия болса допты қағып алады, жоқ болса допты кері лақтырады.)

 Сұрақтар үлгісі:

  •  Етікші жұмыс істемеген соң кедейленді (жоқ)
  •  Ол ұйықтап тұрғанда еткітер дайын болды (иә)
  •  Етікті сатып алушы етіктерді алмады (жоқ)

 Саралау: Қорытынды арқылы саралау. Барлық оқушыларға бағытталған нұсқау бере отырып, олардың əрқайсысының өздерінен не күтетіндігін түсінгендеріне көз жеткізу керек. Мұғалім тапсырма береді, бірақ жалғыз «дұрыс» жауаптың бағытында жұмыс істеуден гөрі оқушылар өздерінің мықты жəне əлсіз тұстарына қарай жауап береді.

 Б «Екі жұлдыз, бір тілек»

 3-тапсырма

 Тапсырманы орындау арқылы оқушылар өз болжамын айтады. Тапсырма оқушының қиялын дамытуға көмектеседі, айтылым дағдысын дамытады.

 (Ұ;Т) «Биопоэма» әдісі арқылы шығармадағы оқиғаларға сүйеніп, сюжеттің дамуын болжауды тапсырыңыз.

 Тапсырманы орындау бойынша нұсқаулық.

 1. Әр топқа А-4 парақ таратылады. Әр топ парақты 8 бөлікке бөліп, әр бөлікке оқыған ертегінің оқиғаларын толтырады.

 2. Оқиғаларды толықтырып болған соң, барлық топ мүшелерінің арасындағы ұқсастықтар анықталып, сараланып, мәліметті толықтырып, ортақ тұжырым шығарылады.

 3. Талқылап болған соң топтар оқиғаларға сүйеніп, сюжеттің дамуын болжайды. Болжамдар ортаға салынады.

 Саралау: қорытынды бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтижелер күтіледі. Сұраққа жауап беруде, кейбір оқушыларға мұғалім қолдау көрсетеді.

 Б: «Жарайсың!» «Талпын!»

 

 4-тапсырма

 Бұл ертегінің мазмұны бойынша суреттер салуға берілетін тапсырма. Оқушылар ертегідегі айтылатын оқиға сюжеті бойынша баяндалатын оқиғаны ретімен ажыратуды үйренеді.

 Тапсырманы орындау бойынша нұсқаулық.

 1. (Ө,ЖЖ) Оқушыларға ертегі мазмұны бойынша, өзіне ұнаған бөлігі бойынша сурет салуды тапсырыңыз.

 2. Салынған суреттерді «Галереяны шарлау» әдісі арқылы қорытындылап, бағаланады.

 Қабырғаға дайындалған постер ілінеді. «Галереяға саяхат» топтар кабинет ішінде қозғалысқа түседі, қабырға газеттерін қарайды, сараптайды, талдайды және жапсырма қағазға пікірін немесе сұрағын жабыстырып кетеді.

 3. Галереяға саяхат аяқталған соң, топтар жұмыстарға шолу жасап, өз қабырға газеттеріне жазылған сыныптастарының пікірін сараптайды, талқылайды, сұрақтарға жауап береді және қорытынды жасайды.

 Саралау: Оқушыларға тапсырманы орындау барысында жан-жақты әрі нақты көмек қажет болады. Жетекші сұрақтар қою арқылы диалог және қолдау көрсетумен сараланады.

 Б «Смайликпен» бағалау әдісі. Топтар бір –бірін тыңдайды, стикерлерге смайликтер суретін салып, оны бағаланған топ үстеліне жапсырады.

 

 Сабақтың соңы.

 Рефлексия: «Аяқталмаған  сөйлемдер» әдісін қоланыңыз. Оқушыларға алдын-ала дайындалған келесі сөйлемдері таратыңыз.

 Бүгін мен сабақта...

 Мына тапсырмаларды орындай алдым...

 Менің қолымнан келмегендер...

 Маған... жасау керек....

 (Ө) Оқушылар осы сөйлемдерді аяқтайды. Әр қайсы өз сөйлемдерін тақтаға жабыстырады.

 Ескерту. Сынып оқушыларының ерекшелігіне байланысты мұғалім тапсырмаларды ауыстырып түрлендіре алады.

 

 


Құрметті оқырман! Файлдарды күтпестен жүктеу үшін біздің сайтта тіркелуге кеңес береміз! Тіркелгеннен кейін сіз біздің сайттан файлдарды жүктеп қана қоймай, сайтқа ақпарат қоса аласыз! Сайтқа қосылыңыз, өкінбейсіз! Тіркелу
Толық нұсқасын 30 секундтан кейін жүктей аласыз!!!


Кейінірек оқу үшін сақтап қойыңыз:


Қарап көріңіз 👇



Жаңалықтар:
» 2023 жылдан бастап Қазақстанда қандай өзгерістер болады? 03.12.2022
» Алаяқтар IPO бойынша жалған мобильді қосымшаларды іске қосты 29.11.2022
» Айлакер-алаяқтар интернетте делдалдарды қалай және қандай мақсатпен іздейді 26.11.2022

Пікір жазу



Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы