Қазақша өлең: Мағжан Жұмабаев (Р...альбомына) » ZHARAR © 2017 | магжан жумабаев Р...альбомына өлең олен мағжан жұмабаев стихи на казахском, мағжан жұмабаев өлең олен стих, магжан жумабаев стихи на казахском языке, Р...альбомына




  • »

Қазақша өлең: Мағжан Жұмабаев (Р...альбомына)

Қазақша өлең: Мағжан Жұмабаев (Р...альбомына) казакша Қазақша өлең: Мағжан Жұмабаев (Р...альбомына) на казахском языке

Себеп не екен? Бастан мені таптыңыз,
Альбомыңызды алдыма әкеп тарттыңыз.
Мен даярмын, рақмет сізге, қарындас,
Ағаңызға көңілді бір іс арттыңыз.
Ай аппақ қой, Сізге көңілім Айдай ақ,
Сізге деген жүректе жоқ жалғыз тап.
Адал ниет, ақ көңілімді бетке ұстап,
Ақылсымақ сөз айтайын азырақ.
Альбом - жүрек, уақыт жетпей ашпаңыз,
Құлып салып, берік бекітіп тастаңыз.
«Ашылам!»- деп аласұрар жас жүрек,
Белгілі іс, бірақ одан саспаңыз.
Альбом - жүрек, тыныштықты қашырар,
Уақыты жетсе, өзі-ақ бір күн ашылар.
Жүрек сыры белгілі ғой, біраздан
Желі тынып, толқындары басылар.
Альбом - жүрек. Көрінгенге бермеңіз,
Дос па, қас па? Бастан байқап тергеңіз.
Дос орнына қас кіргізіп жүрекке,
Бір күндерде өкініште жүрмеңіз.
Альбом - жүрек, жақын достар қолға алар,
Таза жүрек оны оқып толғанар.
«Мен жазайын, мен оқиын!»- деп алып,
Надан жандар кетпес қара тап салар.
Альбом - жүрек, жақсы сақтай көріңіз,
Таза жүрек меруерттен теріңіз.
Ескерісіп жүру үшін өмірде,
Қане, құрбым, қолыңызды беріңіз!


Санат: KZ портал » Қазақша Өлеңдер жинағы | | 136
Рейтинг:
(голосов: 0)

.

MixAdvert

MarketGid

Соңғы пікірлер:
. .