Шәкәрім Құдайбердіұлы (Әлемді түгел мен көріп)

 Шәкәрім Құдайбердіұлы (Әлемді түгел мен көріп)

Әлемдi түгел мен көрiп,
Ешкiм менi бiлмесе.
Мұқтажым, нәпсiм жоқ болып,
Зияным жанға тимесе.

Мисыз мына көп жынды,
Осы биiн билесе.
Залымы жеңiп момынды,
Басылған нандай илесе.

Партия болып таласып,
Бiрiне-бiрiн шүйлесе.
Боқ жеген ауызын жаласып,
Ылыққан иттей күйлесе.

Түзеттiм деп өмiрiн,
Бұзғанын өзi түймесе.
Томаша етсем көмiрiн,
Өртенсiн деп күймесе.

Қиянат қылса иманын,
Арамнан тапса жиғанын.
Айламен төрге сыйғанын,
Ұлық деп бәрі қаласа.

Биiктi десе аласа,
Жалғанды шынға баласа.
Ұлыққа шағып момынын,
Тамтығын қоймай таласа.

Шынды бiреу жақтаса,
Жазасызды ақтаса.
Адалдықты мақтаса,
Арсылдап оны қамаса.

Кешегi уағда бүгiн жоқ,
Кейде жалын, кейде шоқ.
Балшық қора бұз да соқ,
Батпақта жүрген балаша.

Мiнезiн көрiп шошынсам,
Түзеймiн деп қосылсам.
Орнықты-ау деп отырсам,
Сырғанай берсе шанаша.

Қараса да көз ашып,
Көрмесе, менен адасып.
Қасында тұрсам жанасып,
Менi жоқ деп санаса.

Сайтанға иген мойынын,
Қулыққа толған қойынын,
Көп жындының ойынын,
Қылсам-ау сүйтiп тамаша!

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі