Шындық туралы ✍️

Ілмек бойынша іздеу:

Әуелгі сөзің рас болса,
Соңғы сөзіңнің өтуіне жақсы.

Әкеңнің өлгенін жасырсаң, көмгенде қайтесің?

Өтірік жылдам шабады,
Шындық қадам-қадам басады,
Бірақ сонда да уақытында жетіп келеді.

Шындықтан зор палуан жоқ:
Ол жауды да жығады,
Қамалды да бұзады.

Шын сақыға жолықсаң,
Су орнына бал берер.
Шын батырға жолықсаң,
Шындық үшін жан берер.

Шындық — қамал бұзар.

Шындықтың шырағы сөнбейді.

Бал тамған өтіріктен
Қан тамған шындық артық.

Шындық бар жерде
Өтірік байқап жүреді.
Шындық жоқ жерде
Шіреніп, шайқап жүреді.

Шындық жоқ жерде
Сұмдық көп.

Шындықтың шырқы бұзылмас,
Өтіріктің өрмегі жиылмас.

Сөз шындықты табар.

Отты үрлеген жағады.
Шындықты іздеген табады.

Тура айтсаң туғаныңа жақпайсың, қатты айтсаң қатыныңа жақпайсың