Өлеңдер ✍️
Өлеңдер ✍️
29.08.2022
74
КӨРIНIС
Терезем картасындай
Құйындар әлемiнiң.
Осынау көрiнiсте
Бiр мұң бар,
Әдемi мұң.
Тоңғам ба,
Жаурағам ба,
Жылытсын демiм ненi?
Көз салсаң
Аула маңай
Мөлдiреп көрiнедi.
Ойына не келдi екен,
Беймезгiл алқынды үнiм.
Ұқтым ба қас-қағымда
Сұлулық салқындығын.
Кiм бiлсiн,
Ренжiтiп алды ма
Бала батыр,
Қысқы кеш,
Қарды кешiп
Қыз бала бара жатыр.
Осынау көрiнiсте
Бiр мұң бар – әдемi мұң
Терезем картасындай
Құйындар әлемiнiң.
Әлеуметтік желілерде бөлісіңіз:
Facebook | VK | WhatsApp | Telegram | Twitter