Өлеңдер ✍️

Келді ұмытқым сен жайлы жырларды да,
Граниттен қашалған тұлғаңды да.
Ай астында, аспаннан жасырынып,
Біз екеуміз шерткіскен сырларды да.
Барлығын да ұмытқым келді менің,
Кімге айтамын?
Кімді енді сендіремін?
Ұмытудан,- жүректі суытудан,
Басқа лажым қалды ма енді менің?
Келем, бірақ, ұмыта алмай…
Қуат, күшім -
Сарқылды ғой,
Өзің кеп жұбат, құсым.
Кеткенменен ренжіп,
Сен де мені
Ұмыта алмай жүргендей сияқтысың.
Сенсіз өмір жоқ дегем де тегі бір күн,
Қоюлатты-ау, тағдырдың көгі бұлтын.
Сен ұмытшы әуелі мені.
Сонсоң
Мен де ұмытып кетермін сені, мүмкін?!