Өлеңдер ✍️

Білмеймін,болам ба адам,оңбаймын ба,
Білмеймін,болам ба ақын,болмаймын ба?
Білмеймін,өзді өзімді қинап бекер,
Білмеймін,жүрегімді зорлаймын ба?
Білмеймін,бұ тірлікте босқа жүрмін,
Білмеймін,тиді пайдам досқа бір күн?
Білмеймін,бақыт менің құшағымда,
Білмеймін,астында ма басқа қырдың?
ма басқа қырдың?
Білмеймін,жақсымын ба,жаманмын ба,
Білмеймін,бұл дүниеге алаңмын ба?
Білмеймін,бір бәдәуи кезбе ме екем,
Білмеймін,мен бір жұмбақ ғаламмын ба?
Білмеймін,ештеңені білмеймін мен,
Қуанып,шаттанбаймын,күлмеймін мен.
Көңлімнің осынау кей сәттерінде
Тылсымын ішке түйген түндеймін мен...