Өлеңдер ✍️

Туған Ел- бақытымның бұлағындай,
Жүректен тұра алар ма жыр ағылмай.
Айналған өмірімнің өрнегіне –
Ата Заң – арқа тұтар ұранымдай.
Туған Ел – шырқау биік шынарымдай,
Келеді қалықтағым қыранындай!
Мәңгілік киелімдей қастер тұтар –
Ата Заң – мойынға ілер тұмарымдай.
Туған Ел – алтын таңның шуағындай,
Мен де бір жарқылдаймын шырағындай.
Айнымас адалдықтың туы сынды

Ата Заң –елдігімнің Құранындай!
Туған Ел – табан таймас тұғырымдай,
Шаншылсам шаңыраққа уығындай!
Апарар адамзаттық ұлы көшке –
Ата Заң – қазағымның РУХындай!