Өлеңдер ✍️
  14.07.2022
  70

Автор: Ақылбек Шаяхмет

Өмірдің асқан талай белесінен...

Өмірдің асқан талай белесінен,
Адам да құр қалмаған үлесінен.
Танауға қиқым-сиқым кірмесін деп,
Мұрынның ішіне де қыл өсірген.
Жүрсін деп алаң болмай есі кіре,
Қарауыл қойғандай қып есігіне,
Қап-қалың шашпен жауып басымызды,
Құлақтың қалқан салған тесігіне.
Болғанда қас пен кірпік көзге қорған,
Қажет пе қарашыққа өзге қорған.
Байқамай тіл ұшынан шығып кеткен,
Білмеймін, кім болады сөзге қорған?!


  өмір белес Ақылбек Шаяхмет Ақылбек ШАЯХМЕТ өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Арықтар күжірейсе жалы бардай... ᐈ
  Келмейді өткен қайтып аҺ ұрса да... ᐈ
  Айтқан сөздің асылдарын терсеңіз... ᐈ
  Борышын өтеп жүрген сапардағы... ᐈ
  Айдары желбіреген күркетауық ᐈ

Пікір жазу