Өлеңдер ✍️

Күйге түсіп айтқан кезде бір мұңды,
Күміс үнді көмекейім қылғынды.
...Ұмтылғанда сүйенетін тіреуге...
Саған жетпей, ұстаушы едім құрбыңды.
Әуен ойнап тұрған кезде бір мұңды,
Мас есікке арманындай мың күнгі –
Ұмтылғанда сүйенетін тіреуге,
Саған жетпей, ұстаушы едім құрбыңды.
Түк қалған жоқ бұрынғы аусар еңседен,
Шыққандай-ақ сот өтетін кеңседен.
Айтып өлтір, ару, аппақ Тәңірім,
Айрылдым ба, айрылдым ба мен сенен?!