Өлеңдер ✍️

Қадамымды аңдаған,
Жылы жауап тосудан еш танбаған.
Сезіміңе таң қалам.
... Бір түсірген еңсеңді езіп, көнсең де
Көнбесең де бірбеткейлік тән маған.
Сезіміңе сенім беріп, өш қарып,
Мені қанша тос талып.
Сенің орның көнбесең де, көнсең де
Артық емес достан ұқ.
Тек өмірің кетпесінші босқа ағып.
Кім күтіпті мұндайды?
Мендік жүрек «қош» деп қолын бұлғайды.
Бақытыңды көнбесең де, көнсең де
Басқа сұлу жырлайды.
Күнің өтер менсіз жалғап жылға айды.
Қабылда да жырды үзік,
Шын өмірдің шуағында жүр жүзіп.
Көнсең де сол көнбесең де күнім-ау
Тағдыр кетер өз дегенін жүргізіп.
Ережесін көрген екен кім бұзып???