Өлеңдер ✍️

Кеше ғана оқуға түскен едің,
Міне ұлым, универді тамамдадың,
Құтты болсын құлыным бұл белесің,
Орындалсын аңсаған бар арманың.

Жаңа ісіңде абяройың арта берсін,
Өз ісіңнің сен нағыз маманы бол.
Жаным балам, құлыным тілейтінім,
Жаңа жұмыс, ісіңде саған ақ жол.

Қуанышың жан балам ортаймасын,
Арман, мақсат, тілектерің орындалып.
Алла өзі жар болып ұлым, тілегіңді,
Қолдап жүрсін әрқашан қабыл алып.