27.03.2024
  29


Автор: Сұлтан Қалиұлы

Каспаров – Шекербек

Каспаров пен Карповтың
Туры өтіп жатқан-ды...
– Мен Каспаров,
Карпов кім? –
Деп, Шекербек мақтанды. –
Лагердегі
Әр күнім
Бос өтпей,
Күш сынағам.
Қанекей, шық Карповың,
Быт-шытыңды шығарам.
Бірден жетіп бардым мен:
– Інімді әрең жеңіп ем.
Карпов емес,
Алдымен
Ойнап көрші менімен.
Тұра қалды сап құрып
Фигуралар ақ, қара.
Отыра қап,
Аптығып,
Төндік келіп тақтаға.
Ә дегеннен тап беріп,
Пешкілермен ат қойдым.
Еліктіріп, ат беріп,
Он жүрісте мат қойдым.
Қайта ойнады ол жасқанып,
Тағы тізе бүктірдім.
Мақтаншақтың
Каспаров
Бола алмасын ұқтырдым.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу