Өлеңдер ✍️
Өлеңдер ✍️
15.10.2023
60
Шар ұрып мазалайды
Шарқ ұрып мазалайды,
Арманға бөлегесін.
Қаққандай қайта-қайта,
Көңілдің терезесін.
Жүргенім бекер емес,
Қамалып жалынға мұң.
Жұлдызды жарығым-ау,
Іздесем сағынғаным.
Жүректі тербетеді,
Әуелеп ән елесі.
Көктемгі күнімдейін,
Шуақ боп себелеші.
Ақ сәулем бір өзіңді,
Ойлаймын осы күнде.
Бар бақыт сыйғандай-ау,
Әдемі есіміңде.
Көктемім от күндерім,
Сағыныш қалдырады.
Қайдасың қаракөзім,
Жанымның бал бұлағы.
Әлеуметтік желілерде бөлісіңіз:
Facebook | VK | WhatsApp | Telegram | Twitter