Тарихи бір тұлғалы Адам
Испанния үшін туған Адам,
Антони Гауди!
Жұлдыздайын жанған Адам,
Антони Гауди!
Құдіретті салған Адам.
Жұлдыздайын ағып өткен
Сол Адамды қағып өткен,
Екі Таксист жазалы еді,
Бар Барселон, азалы еді,
Антони Гауди!
Бір бұралып қарады ұдай,
Жан тапсырған жаралыдай,
Барселонда барлық таксист,
Әлі күнге қаралыдай,
Өткеннен соң алып арман,
Өтетұғын ағып алдан,
Барселонда барлық такси,
Қара бояу жағып алған.
Биік намыс адам ары,
Жоғалғасын қара нары,
Сол Антони Гауди үшін.
Такси біткен қаралы әлі!
Ұшыраған Тәңірдің қаһарына,
Себеп болған мәңгілік сапарына
Қаралы таксистерді көргің келсе,
Барыңыз Барселонның шаһарына!

30 маусым 2014 жыл
Барселон