Өлеңдер ✍️

Жылжиды сусып өмір сарынымен

От аламын ертеңнің жалынымен

Жаным деген ертеңгі жатым болып

Байғұс жүрек өрекпіп талды білем

Қатем де көп сеземін айна алдында

Жақыннан жылу емес қайғы алдым ба?

Күндіз тәтті көрінген келешегім

Түн баласы жұмбаққа айналдың ба?

Әкесі жоқ әкемін жолын білмес

Қате кетсем әкетай қолымды кес

Аян беріп түсімде жолықпасақ

Ары қарай жүруге әлім келмес

Жүрсе деуші ем жиын тойда жарқырап

Отырушы е(ді)к кітаптарды талқылап

Арғы өмірдің нәсіп етсін жұмағын

Бұлағы ақсын тау суындай қарқырап