Баталар ✍️

Сегізінші наурыз бұл,
Құтты болсын кеп жеткен!
Жаратқаным жар болып,
Күн көп болсын нұрлы еткен!
Ертегі айтар әжелер,
Немересін ойнатсын!
Ақ жаулықты аналар,
Шаңырақты жайнатсын!
Ибалы боп келіндер,
Ата-енені тыңдасын!
Инабатты боп қыздар,
Адалдықты жырласын!
Бастарынан бақ кетпей,
Өмірлері жайнасын!
Ғұмырлары ұзақ боп,
Бұлбұл құстар сайрасын!
Арайлы таң нұр шашып,
Шапағына бөлесін!
Барша иманды адамдар,
Бірін-бірі демесін!
Оқушылар озат боп,
Сүйретсін білім кемесін!
Сыйластықтар артып бұл,
Азғындық еніп, келмесін!
Мейрамы нәзік жандардың,
Құтты болып, жандансын!
Тыныштық боп елімде,
Бар жақсылық арналсын!