Өлеңдер ✍️

Солғаны қалай сезімнің, күнім?!
Өзімді өртеп
өзімнің мұңым,
Үнімді тағы үмітім ұғып,
Өлеңді сүйіп
көз ілдім бүгін.
Өлеңге қайғы тең келгендейін,
Сезімнің бәрі өлгеннен кейін;
Санамнан сені сыза алмай тағы,
Сағынғаным ба?!
Сергелдең күйім..
Өзіңсіз тіпті бөлек түнегім,
Сен жайлы қайдан
дерек білемін?!
Ойымнан сені өшіре алмастан,
Өксігенім бе?!
Өрекпігенім...
Сорлы Жүрегім,
тұрағың қані?!
(Көңілде мұңның тұрады ұнтағы.)
Жанымды өлеңнің жұбатқаны ғой:
Жыладым тағы..