Өлеңдер ✍️

Өмірдің бар тәтті бал әні,
Айтылып бітпейтін бастаса...
Ал қыздар сүйеді даланы
Өзінше, басқаша.
Тербеліп гүлдер де қырдағы,
Тұрғанда маңдайда Ай жанып.
Кетеді даланың ұлдары
Ақынға айналып.
Жырлатып наз күлкі жанарын,
Шырқалып армандай ән болып.
Сүйеді ұлдарын даланың
Айнымас жар болып.
Одан соң бәріне пана боп
Өтеді еміреніп, сағынып.
Даланың ұлына Ана боп,
Далаға табынып.
Әжімге толса да қолдары,
Кезі жоқ еңбектен именген.
Тал бесік тербетсе, ол-дағы
Даланы сүйгеннен