Өлеңдер ✍️
Өлеңдер ✍️
13.05.2022
236
Шарасыздық
Айыра алмай қорқаудан қабыланды,
Сағым сынып, көңілім жабыланды.
Ортасында жүріп-ақ қалың жұрттың
Ормандағы перідей тағыландым.
Тазы болып шала алмай түлкілерді,
Айла асырған сыртымнан күлкіледі.
Бармағымды тістеймін, бар білгенім
Жанарыма ыстық жас іркіледі.
Не келеді қолынан жаулықтының,
Оңашада жылаудан қарлықты үнім.
Есебімді бір Алла түгендесін,
Түсінгенге осы айтар барлық шыным.
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇