Баталар ✍️
Баталар ✍️
17.02.2022
417
АЛҒЫС БАТАЛАР
Әуелі Құдай оңдасын,
Сонан соң Қыдыр орнасын.
Тоқсан інген боталап,
Тоғыз келін қомдасын.
Ұлың он шақты болсын!
Қызың моншақты болсын!
Қазаның қаспақты болсын!
Сиырың баспақты болсын!
Беделің тасып өрлесін,
Ошағың мәңгі сөнбесін.
Адал болсын алғаның,
Балды болсын бармағың.
Артсын бедел, салмағың,
Аман болсын мал-жаның,
Көбейсін жекжат-сүйегің,
Қажымасын жігерің!
Арыстандай болсын айбатың,
Аюдай болсын қайратың.
Гұлге толсын өңірің,
Көңілді өтсін өмірің.
Асқа толсын табағың,
Ашық болсын қабағың,
«Бата» дедің маған,
Бақ дарысын саған.
Дастарханыңнан кетпесін,
Адал тапқан тағам.
Әлеуметтік желілерде бөлісіңіз:
Facebook | VK | WhatsApp | Telegram | Twitter