Өлеңдер ✍️

(Науан Хазірет жер ауғанда)
Бұл істі жек көрмеймін бір себептен
Сүйкімді жан өткен жоқ Мұхаммедтен.
Құдайдың өзі сүйген досты сенсің,
Абужаһил лағынет қастық еткен.
Шырағын екі жаһан қорлаймын деп,
Ақырында солардағы не боп кеткен.
Болар деп артқы жағы сол секілді,
Сүйінші ғып қуанамын хазіреттен.
Жүз қамшы имам ағзамға қамшы соғып,
Зынданға Мансұр патша хүкім еткен.
Кемеден Жүніс пайғамбар жығылғанда,
Қырық күн балық қарнында мекен еткен.
Ферғауын қанша әскермен қамағанда,
Мұсаға Ніл дариясы жол боп кеткен.
Намұрт Ибраһимді отқа атқанда,
От оған гүл бостан боп қызмет еткен.
12 жыл зынданда Жүсіп жатып,
Құданың құдіретіне шүкір еткен.
Жүсіп те қандай болды ақырында
Мысырға патша болып хүкім еткен.
Алты жыл Айубты құрт шаққанда
Ниғматул Ғабит атанып сабыр еткен.
Алты мың құрт жабылған денесіне,
Таялған мойын тамыр күресіне.
Орнына түскен құртын қайта салып,
Ғаділдік еткен екен төресіне.
Айуб та қандай еді дені сауда,
He қылдық мұнша жүріп кәпір жауға?
 Рахима бір түлымын нанға сатып,
Айтпастай ақырында қалды дауға.
Рахима ақырында қандай болды,
Сабыр түбі сары алтын көп шыдауға.
Төрт шаһаржар мен пайғамбарына Әбубәкір Сыдық,
Ғұмар, Ғұсман, Ғали патша аталарымыз, Фатима анамыз
отырғанда алтын табақпен бал қосқан тағам келген екен.
Жалғыз талқылы бар ортасында кейінгі үмметіне мирас
болғандай бір-бір ауыз сөз сөйлейік, сөйтіп атайық депті
пайғамбарымыз.
Рәсулла сөйлепті:
Үмметім нұры нұрлы дүр үшбу тастан,
Үмметіме шапағат қылмақ татлу дүр үшбу балдан.
Үмметіме шапқат қылмағым,
Жіңішке дүр ұшбу қылдан.
Әбубәкір Сыдық сөзі:
Пайғамбарым нұры нұрлы дүр үшбу тастан,
Пайғамбарым сүннетін істемек татлу дүр үшбу балдан.
Пайғамбарым сүннетін орнына келтірмек,
Жіңішке дүр үшбу қылдан.
Ғұсман айтты:
Құран нұры нұрлы дүр үшбу тастан,
Құран оқымақ татлу дүр үшбу балдан.
Құранды қүрметпенен оқымақтық,
Жіңішке дүр үшбу қылдан.