Шығармалар ✍️

Ұлттық спорт – қазақ халқының өмірімен біте қайнасқан мәдениетінің бір бөлігі. Спорт – тек дене шынықтыру құралы емес, ол ұлттың намысы, рухы, жігері. Қазақ халқының өмір салты көшпелі болғандықтан, ұлттық спорт түрлері көбіне атпен байланысты.

Аударыспақ, теңге ілу, қыз қуу – батылдықты, ептілікті талап ететін спорт түрлері. Аударыспақта палуандар ат үстінде белдесіп, бірін-бірі аттан түсіруге тырысады. Бұл – жауынгерлік өнердің бір көрінісі. Ал теңге ілу – шабандоздың шапшаңдығы мен ептілігін сынайтын ойын.

Бүгінде ұлттық спорт тек ауылды жерлерде ғана емес, бүкіл Қазақстан бойынша кең таралып, халықаралық деңгейде мойындалуда. Көкпар сияқты ойындар Азия ойындарына енгізіліп, қазақ спортшылары өз шеберлігін көрсетіп жүр. Бұл ұлттық спорттың болашағы жарқын екенін дәлелдейді.