Шығармалар ✍️

Қазақ халқының ұлттық спорт түрлері – бабаларымыздан қалған баға жетпес мұра. Олар тек ойын-сауық қана емес, сонымен қатар ержүректілікке, төзімділікке, батылдыққа баулитын өнер түрлері. Ұлттық спорт түрлері ата-бабаларымыздың күнделікті өмірімен тығыз байланысты болған.

Көкпар, аударыспақ, бәйге, жамбы ату, қазақ күресі секілді ойындар халқымыздың өмір сүру дағдысынан туған. Мысалы, көкпар жігіттердің ат үстіндегі шеберлігін, күш-қайратын, батылдығын сынайтын ұлттық ойын. Ал бәйге – аттың жылдамдығы мен шабандоздың ептілігін көрсететін ерекше жарыс.

Қазіргі таңда ұлттық спорт түрлері қайта жанданып, түрлі жарыстар ұйымдастырылуда. Бұл — қазақтың рухани байлығын сақтаудың, ұлттық болмысын дәріптеудің бір жолы.