Дулат Исабеков «Әпке» драмасы. Қазақ әдебиеті, 8 сынып, сабақ жоспары. 24-сабақ.

Ұзақ мерзімді жоспар бөлімі: Мектеп:

ІІІ Махаббат және абырой

Уақыты: мұғалімнің аты-жөні:

Сыныбы: 8 қатысқаны: қатыспағаны:

Сабақта жоспарланған іс-әрекеттер

1. Оқушыларды кейіпкер есімдері бойынша бірнеше топқа бөлу: Қамажай, Темірбек, Нәзила, Омар, Кәмила.

2.Өткен тақырып пен жаңа сабақты байланыстыру.

Ми шабуылы. «Драма - өмір шындығы мен адам тағдырын бейнелеудің ең күрделі тәсілі, эпос пен лирика ерекшеліктерін қоса қамтыған синтез жанр», - деген ғалым С.Мақпырұлының сөздеріне назар аударайық.

Үзіндідегі қай сөз/сөз тіркесі сізге ерекше әсер етті? Неліктен?

3. Сабақ тақырыбы, мақсаты, бағалау критерийлері таныстырылады.

4. Жаңа сабақты меңгерту.

Т. «Образға ену» әдісі

1-қадам: әр топ өздеріне берілген кейіпкерге мінездеме беру үшін драма мәтінінен мына сұрақтардың жауабын іздейді:

• кейіпкердің әлеуметтік ортамен байланысы қандай?
• ол қай жерде қалай көрінді?
• кейіпкердің іс-әрекеті, диалог/монологы.

2-қадам: сұрақтарға өзара жауап іздеп, кейіпкердің мінез-құлқын, қоғамдық-әлеуметтік ортадағы орнын анықтап алады. Содан соң драмалық тартысқа негізделген бір үзіндіні пайдаланып, актерлік шеберліктерін көрсете отырып кейіпкер рөлінде ойнайды.

Қабілеті жоғары оқушылар кейіпкердің болмысын драмалық тартыстағы оның іс-әрекеті, диалог, монологтары арқылы ашып түсіндірсе, ал қабілеті төмендеу оқушылар драма мәтінінен кейіпкер сөздерін оқып, мазұнын айтады.

Дескриптор

- кейіпкердің әлеуметтік ортамен байланысын анықтайды;

-драмалық тартысты табады;

-оның диалог/монологтарын іріктеп алады;

-кейіпкердің рөлін ойнап көрсетеді;

-актерлік шеберлігін танытады.

5. Топ жауаптары тыңдалып, оқушылардың рөлге еніп ойнауы бағаланады. Мұғалім сындарлы кері байланыс береді.

6. Көз алдарыңызға елестетіңіздер:

Сахна шымылдығы жабылды, сіз оқыған драманың соңғы сөйлемі аяқталды.

Қамажай. Өзіміз-ақ өткіземіз. Өзіміз-ақ! Олардың қолдары тимейді. Өзіміз-ақ... Өзіміз-ақ!

Сұрақ: Қандай күйде болдыңыздар? Көңіл-күйлеріңізбен бөлісіңіздер.

7. Рефлексия

Пікір (Менің ойымша...)

Дәлел (Себебі,...)

Мысал (Мысалы,...)

Қорытынды (Қорыта айтқанда,...)

Дифференциация

Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Дифференциацияны берілетін тапсырма, күтілетін нәтиже, оқу материалдарын таңдау және ресурстармен жұмыс жасауда оқушының жеке қабілетін ескеріп, қолдау көрсету, бөлінетін уақыт, қолданылатын дереккөздер арқылы жүзеге асыруға болады. Дифференциация сабақтың кез келген бөлімінде қолданылады.