Қазіргі қоғам: миграция және зияткерлік миграция. Шешендік сөздер. Сөзталас. Ресми ісқағаздар стилінің тілдік ерекшеліктері. Қазақ тілі, 11 сынып, сабақ жоспары. 1 сабақ. 1 нұсқа.

Пән: қазақ тілі

Ұзақ мерзімді жоспар бөлімі: Қазіргі қоғам: миграция және зияткерлік миграция.

Шешендік сөздер (5 сағат)

Сөзталас. Ресми ісқағаздар стилінің тілдік ерекшеліктері

Мектеп: Ақтөбе қаласы физика-матемаикалық бағыттағы Назарбаев Зияткерлік мектебі

Күні:

Мұғалімнің аты-жөні: Димисанова Алтынай Батырхановна

Сынып: 11 Т1

Қатысқан оқушылар

саны:

 Қатыспағандар:

Сабақтың тақырыбы

Қазіргі қоғам: миграция және зияткерлік миграция. Шешендік сөздер. Сөзталас. Ресми ісқағаздар стилінің тілдік ерекшеліктері

Осы сабақта қол жеткізілетін оқу мақсаттары (оқу бағдарламасына сілтеме)

11.1.5.1 коммуникативтік жағдаятқа сай көпшілік алдында дұрыс сөйлеу, тыңдаушыларға ықпал ете білу, шешен сөйлеу

11.2.5.1 мәтіндегі негізгі ойды анықтау, берілген мәліметтер мен пікірлерді өңдеу және толықтыру

 Сабақтың мақсаттары

Коммуникативтік жағдаятқа сай көпшілік алдында дұрыс сөйлеу, тыңдаушыларға ықпал ете білу, шешен сөйлеу және мәтіндегі негізгі ойды анықтау, берілген мәліметтер мен пікірлерді өңдеу және толықтыру.

 Бағалау критерийі

• Коммуникативтік жағдаятқа сай көпшілік алдында дұрыс сөйлей алады;
• Тыңдаушыларға ықпал ете алады;
• Шешен сөйлей алады;
• Мәтіндегі негізгі ойды анықтайды;
• Берілген мәліметтер мен пікірлерді өңдейді және толықтырады;

Тілдік мақсаттар

Пәнге тән лексика мен терминология:

Сөз мәдениеті, шешендік сөздер, сөзталас т.б

Диалог пен жазу үшін пайдалы сөздер мен тіркестер:

Менің ойымша/пікірімше…, Менің көзқарасым тұрғысынан…., Менің көзқарасым бойымша…, Мен сенімдімін…, Мені таңқалдыратыны...

Құндылықтарды игерту

Қоғамның басты құндылығы сөз мәдениеті, дұрыс сөйлеу, шешендік өнер тақырыбы аясында түсініктерін кеңейту.

Пәнаралық байланыс

Әдебиет, тарих пәндері

Бастапқы білім

Шешендік өнер

Жоспар

Жоспар бойынша орындалуы тиіс іс-әрекеттер

Қызығушылықты ояту.

Берілген суретке қарап сабақтың тақырыбын болжайды.

 Сабақтың тақырыбы анықталып, мақсаты таныстырылады. Оқушылар мен мұғалім бірлесе отырып, сабақтың бағалау критерийлерін әзірлейді.

Мағынаны тану

Тыңдалым тапсырмасы

Мұғалім оқушыларға «Қазақстандағы мигранттар мәселесі» тақырыбында тыңдалым мәтінін ұсынады.

 «Сұрақ-жауап» әдісі арқылы оқушылар тыңдалым мазмұнынан түсінгендері бойынша ойларын жинақтайды, сұрақтарға жауап береді.

Тыңдалымнан кейінгі тапсырмасы

• Миграциялық мәселелерді реттеу үшін екі мемлекет арасында қандай шаралар жүргізілді?
• Екі елдің инвестиция саласындағы байланысы туралы не айтасыздар?
• Мигранттардың мәселесі қалай шешілмек?

Дескрипторлар:

• Тыңдалым мазмұнын түсінеді;
• Сұрақтарға жауап береді;
• Мәтіннен деректер келтіре отырып, дәлелді жауап қайырады.
• Тақырып аясында қорытынды жасай отырып, өз ойын сенімді дәлелдейді;

Бағалау. Өзара бағалау.

Оқылымалды тапсырмасы

• Зияткерлік мигрант дегенді қалай түсінесіздер?
• Босқындар деген кімдер?
• Босқындардың жылдан-жылға көбеюі қандай жаһандық мәселеге әкелуі мүмкін?

Оқылым тапсырмасы

  Жұмыс алгоритмі:

• Оқушылар топта жұмыс жасайды.
• Мәтіндегі мәліметтерді өңдейді.
• Тапсырмаларды орындайды.

"Миграция - проблема емес, басқаруды қажет ететін процесс"

Алматыда өтіп жатқан Қызыл Крест және Жарты Қызыл Ай ұлттық қоғамдарының 10-еуропалық конференциясы аясында Азаттық тілшілері халықаралық Қызыл Крест және Жарты Қызыл Ай қоғамдары федерациясының бас хатшысы Эльхадж Ас Симен кездесті. Азаттыққа берген сұхбатында Эльхадж Ас Си Орталық Азиядағы еңбек миграциясы процестері мен Таяу Шығыстағы дағдарысқа байланысты гуманитарлық қоғамдастық қандай қатерлерге тап болып жатқанын айтып берді. Бұған қоса, ол "Босқындар легі Ауғанстаннан Орталық Азия елдеріне ағылу ықтималдығы қандай?" деген сұраққа жауап берді.

ТЖ. Оқылым материалдарының мазмұны негізінде төмендегі сұрақтарға дәлелді жауап береді.

• 1-топ. Орталық Азиядан Ресейге барған мигранттар жайын баяндайды.
• 2-топ. Ливандағы сириялық босқындар туралы мәліметті талдайды.
• 3-топ. Қазақстанның оңтүстігінде мақта теріп жүрген Өзбекстан мигранттары мәселелеріне тоқталады.

Оқылымнан кейінгі тапсырма

ТЖ. «ФИШБОУН» әдісі арқылы оқушылар сұхбат мазмұнынан түсінгендері бойынша ойларын жинақтайды, көтерілген мәселеге баға береді.

Дескрипторлар:

• Сұхбаттың мазмұнын түсінеді;
• Сұхбат берушілердің сөзінің мағынасын, негізгі идеяларын ашып түсіндіреді;
• Сұрақтарға жауап береді;
• Сұхбаттан деректер келтіре отырып, дәлелді жауап қайырады.
• Мәтіндегі көтерілген мәселелерді анықтайды;
• Мәселелерді бүгінгі өмірмен байланыстыра алады;

Мұғалімнің сындарлы кері байланысы оқушыға қиындық келтірген аспектілерді тыңдаумен жүзеге асырылады.

Рефлексия

«Аяқталмаған сөйлем» әдісі арқылы оқушылардың сабақта алған мәліметтері туралы пікірін тыңдау.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Денсаулық және қауіпсіздік ережелерін сақтау

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланған уақытымды ұстандым ба? Мен жоспарыма қандай өзгерістер енгіздім және неліктен?

Төменде берілген бөлімді осы сабақ туралы ойларыңызды жазу үшін пайдаланыңыз. Сол жақ бағанда берілген сабағыңызға қатысты ең маңызды сұрақтарға жауап беріңіз.