Мұнай өндірісі. Шешендік сөздер. Сыни пікірдің өзіндік ерекшелігі. Қазақ тілі, 11 сынып, сабақ жоспары. 1 сабақ. 1 нұсқа.

Пән: қазақ тілі

Ұзақ мерзімді жоспар бөлімі: Экология: ядролық және мұнай өндірістері. Шешендік сөздер. Сыни пікірдің өзіндік ерекшелігі

Мектеп: Ақтөбе қаласы физика-математикалық бағыттағы Назарбаев Зияткерлік мектебі

Күні:

Мұғалімнің аты-жөні:

Сынып: 11 Т1

Қатысқан оқушылар саны:

 Қатыспағандар:

Сабақтың тақырыбы

Мұнай өндірісі. Шешендік сөздер. Сыни пікірдің өзіндік ерекшелігі

(1-нұсқа)

Осы сабақта қол жеткізілетін оқу мақсаттары (оқу бағдарламасына сілтеме)

11.1.2.1 Мамандандырылған тар аядағы арнайы мәтіндердегі (дәріс) мақсатты аудиторияға арналған терминдер мен ұғымдарды, тілдік оралымдарды, мәтін үзінділерін талдау

 Сабақтың мақсаты

Мамандандырылған тар аядағы арнайы мәтіндердегі (дәріс) мақсатты аудиторияға арналған терминдер мен ұғымдарды, тілдік оралымдарды, мәтін үзінділерін талдау

 Бағалау критерийі

• мәтіндердегі мақсатты аудиторияға арналған терминдер мен ұғымдарды анықтайды;
• тілдік оралымдарды ажыратады;
• мәтін үзінділерін талдай алады.

Тілдік мақсаттар

Тілдік дағдылар тақырып аясында дамиды.

Пәнге тән лексика мен терминология:

Экономикалық даму болжамдары, мұнай өндірісі, экспорт мәселесі, ішкі өнім, қаражат, т.б.

Диалог және айтылым үшін қажетті сөз тіркестер: Менің ойымша/пікірімше…, Менің көзқарасым бойынша…, Мен сенімдімін…, Мені таңқалдыратыны..., Ойымды қорыта келе,..., т.б.

Құндылықтарды игерту

Ынтымақтастық, өзіне және өзгелерге құрмет, жауапкершілік құндылықтарын дамыту топтық, жұптық жұмыстар барысында жүзеге асырылады.

Пәнаралық байланыс

Экономика, химия, әлеуметтану

АКТ пайдалану дағдылары

Сабақ таныстырылымын қолдану, бейнематериал

Денсаулық және қауіпсіздік техникасының сақталуы

Денсаулық сақтау технологиясы талаптарына сай сынып оқушыларын орналастыру, қауіпсіздік ережелерін сақтау.

Жоспар

Жоспар бойынша орындалуы тиіс іс-әрекеттер

Оқушылармен амандасу, шағын жұмыс топтарына бөлу.

Тренинг: Жүректен жүрекке. (Жүрекшелерге мұнай, тас көмір, табиғи газ, экология деп жазуы бар жүрекшелерді оқушылар қолдарына алады. Осы жүрекшелерді бір-біріне үрлеу арқылы жеткізу керек). Осы жүрекшедегі жазуларға қарай топқа бөлінеді.Сыныптағы оқушыларды "мұнай", "тас көмір", "табиғи газ", "экология" деп төрт топқа бөлу

Ой шақыру

Оқушылар берілген ақпарат туралы өз ойларын ортаға салады.

Мұғалім сабақтың тақырыбын хабарлайды, сабақ мақсатымен таныстырады. Оқушылар мен мұғалім бірлесе отырып, сабақтың бағалау критерийлерін әзірлейді.

Тыңдалым алдындағы тапсырма

Оқушыларға мұнай жайлы 20 мәлімет ұсынылады, олар қажеттілігіне қарай түртіп алады.

Оқушылар мәліметтер жайлы өз пікірлерін білдіреді.

Тыңдалым тапсырмасы

Оқушыларға бейнематериал көрсетіледі.

https://24.kz/kz/zha-aly-tar/o-am/item/349663-2024-zhyly-elimizde-m-naj-ndirisi-artady

ЖЖ. Бейнематериалды оқушылар мұқият тыңдап, жұпта талқылайды және кестені толтырады. Қабілеті жоғары оқушыларға мәтін тақырыбы мен негізгі идеясын қоса анықтау тапсырылады (дифференциация).

Оқушылардың жауаптары талқыланады. Дескрипторлар арқылы бірін-бірі бағалайды.

Дескриптор:

• мәтін мазмұнын түсінеді;
• мәтіндердегі мақсатты аудиторияға арналған терминдер мен ұғымдарды анықтайды;
• тілдік оралымдарды ажыратады.

Тыңдалымнан кейінгі тапсырма

Тыңдаған мәтіндері негізінде және берілген мәліметтерді пайдаланып, әр топ таңдаған тақырыбы бойынша сыни пікір айтуға дайындалады.

• Түйені жел шайқаса - ешкіні көктен ізде!
• Мұнай- табиғаттың берген сыйы
• Мұнайым бар – мұңым бар

Топтар бір-бірінің жауаптарын тыңдап, сұрақтар қояды.

Дескриптор:

• берілген тапсырмаға сай мағлұмат береді;
• мәтін үзінділерін талдай алады.

Мұғалім оқушыларды тыңдап, кейін жауаптарын толықтырады.

Мұғалімнің сындарлы кері байланысы келесі тіркестерден тұрады:

Ұтымды шыққан ... ...

Тапсырма шартына сай, бірақ шығармашылықты қажет ететін ...

Әлі де жетілдіре түсетін жауаптар...

Креативті ... ... , бірақ көркем тіл жетіспейді.

Рефлексия.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Денсаулық және қауіпсіздік ережелерін сақтау

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланған уақытымды ұстандым ба? Мен жоспарыма қандай өзгерістер енгіздім және неліктен?

Төменде берілген бөлімді осы сабақ туралы ойларыңызды жазу үшін пайдаланыңыз. Сол жақ бағанда берілген сабағыңызға қатысты ең маңызды сұрақтарға жауап беріңіз.