Ұлы Отан соғысы батыры туралы сабақ. Сөз таптарын қайталау_ҚМЖ

Ұзақ мерзімді жоспар бөлімі: 8-бөлім. «Демалыс мәдениеті. Мерекелер»

Күні: 4 тоқсан

Мектеп:

Мұғалімнің аты-жөні:

Модератор: Абдрасилова Гулсим Лесбековна

Сынып: 3

Қатысқандар:

Қатыспағандар саны:

Сабақ тақырыбы

№ 6 сабақ. Ұлы Отан соғысы батыры туралы сабақ. Сөз таптарын қайталау

Осы сабақта қол жеткізілетін оқу мақсаттары (оқу бағдарламасына сілтеме)

3.2.5.1 берілген тақырып, сұрақ бойынша түрлі дереккөздерден (мәтін, сөздік, сызба, кесте, карта) алған ақпараттарда кездесетін жаңа сөздердің мағынасын сөздіктер арқылы ашу, жүйелеу, мағлұматтардың маңызды тұстарын анықтау;

3.4.2.4 негізгі, туынды зат есім/сын есім/етістікті анықтау;

3.3.5.1 жіберілген пунктуациялық, орфографиялық, грамматикалық және стилистикалық қателерді мұғалімнің көмегімен тауып, түзету.

Сабақ мақсаттары

Бағалау критерийлері

-жаңа сөздердің мағынасын түсіндіреді, сөздерді сөз таптарына қарай топтастыра алады;

-туынды зат/сын есімдер, етістік жасай алады;

-жіберілген пунктуациялық, грамматикалық қателерді тауып, түзетеді.

Сөздік қор

Пәндік терминология мен тірек сөздер:

Зат есім, негізгі зат есім және туынды зат есім т.б.

Сабақта диалог /жазу үшін пайдаланылатын тіл:

Талқылау үшін сұрақтар:

Халықтың құрметінек бөленген азаматтар!» қандай болуы керек?

Құндылықтарды дарыту

Отанын қорғауға, сүюге тәрбиелеу

Пәнаралық байланыстар

Дүниетану

Алдыңғы меңгерілген білім

Сөз таптары тақырыбынан игерген білімдеріне негізделіп меңгертіледі

Сабақ барысы

Сабақта жоспарланған іс-әрекет

(Ұ) Сабақтың тақырыбы мен мақсатын анықтау.

Мәлік Ғабдуллин, Төлеген Тоқтаров, Мәншүк Маметова, Әлия Молдағұлова, Бауыржан Момышұлы, Талғат Бигелдинов, Рақымжан Қошқарбаев есімдерін атау.

-Осы адамдардың есімін қандай ұғыммен байланыстыруға болады?

-Бүгінгі сабақтың тақырыбы не болуы мүмкін?

Сабақтың тақырыбы мен мақсатын оқып, бағалау критерийлерін құрастыру.

Негізгі бөлім

3.2.5.1 (Ө, Т, Қ) Түрлі дереккөздерден ақпарат алу.

Оқушылардың назары суреттерге аударылып, сұрақтар қойылады:

-Суреттерде кімдердің бейнелері сомдалған?

-Олардың бет-әлпетіне, киім киісіне, іс-әрекетіне қарап, қандай кезеңде өмір сүргенін анықтауға бола ма?

-Олардың қандай ерлігін білесіңдер?

-Талғат Бигелдинов, Мәлік Ғабдуллин, Әлия Молдағұлова мен Мәншүк Мәметова туралы не білесіңдер?

Оқушыларға ресурстармен (компьютер/ ноутбук/ смартфон/ ) жұмыс жасау ұсынылады. Талғат Бигелдинов, Мәлік Ғабдуллин, Әлия Молдағұлова мен Мәншүк Мәметованың өмірбаяны туралы, олардың ерлігі туралы мәлімет жинақтайды.

Алдымен топ ішінде жекелеген оқушылар өз ойларын айтып, ортаға салады. Топта талқылағаннан кейін әр топ өз ойларын сыныпта айтады. Жинаған мәліметтерінде кездесетін жаңа сөздерді тақтаға жазылады. «Жауынгер», «арыстар», «ұшқыш» «екі мәрте Кеңес Одағының батыры», «жазушы», «ғалым», «қос шынар». Әр топқа бір сөздің мағынасын түсіндірме сөздік немесе басқа да дереккөздерден алынған мәліметтер негізінде түсіндіру ұсынылады.

(Ө) «Ерлік ешқашан ұмытылмайды» (Серік Жетпісқалиев) әңгімесінен берілген үзіндіні оқиды. Сұрақтарға жауап береді.

-Неліктен батыр аталарымыз бен апаларымыздың ерлігі ұмытылмауы тиіс?

-«Ай, арыстарым-ай! Бір-біріне қарап, сырласып тұрғандай!» деген қарияның сөзінен қандай эмоционалдық күй көрінеді?

-«..шын мәнінде қазақтың батырлары ғой! Халықтың құрметіне бөленген азаматтар!» қандай болуы керек?

3.4.2.4 (МК, Ө, Ұ) Негізгі, туынды зат/сын есімді, етістікті анықтау.

«Ерлік ешқашан ұмытылмайды» мәтініндегі қарамен жазылған сөздерге назар аудар. Сол сөздердің түбірі мен қосымшасын ажырат. Жасалу жолына қарай қандай зат/сын есім, етістік екенін анықта. Негізгі және туынды сөздердің мағыналарын өзара салыстыр.

Үлгі:

Мамыражай, мамыр - түбір сөз, -ажай – қосымша (жұрнақ)

Орталық, орта – түбір сөз, -лық – қосымша (жұрнақ)

Оқушылар қорытындылайды:

Мамыражай, орталық сөздері туынды сын есімдер, түбір сөзге жұрнақ жалғану арқылы жасалынып тұр.

3.3.5.1 (МК, Ө, Ұ, Қ) Қатені табу және түзету.

Түбір сөздерге тиісті жұрнақтарды дұрыс жалғап туынды сөздер жаса. Туынды сөздердің қандай сөз табы екендігін анықта. Негізгі түбірдің қай сөз табынан жасалғанын ажырат. Өзіндік бағалау.

Сөздер: Жол, ас, ат, өшір, адал, тату.

Жолдас – жол, не? түбірі зат есім, -дас, зат есім тудырушы жұрнақ.

Астық - ас, не? түбірі зат есім, -тық, зат есім тудырушы жұрнақ.

Атқыш - ат, не істе? түбірі етістік, -қыш, зат есім тудырушы жұрнақ.

Өшіргіш - өшір, не істе? етістік, -гіш, зат есім тудырушы жұрнақ.

Адалдық – адал, қандай? сын есім, -дық, зат есім тудырушы жұрнақ.

Татулық - тату, қандай? сын есім, -лық, зат есім тудырушы жұрнақ.

(Сөздердің кейбіреуін қатыстырып сөйлем құрау)

Рефлексия

-Бүгінгі сабақта қандай қызықты мәлімет алдым?

-Қандай қиындықтар кездесті?

-Қандай көмекке мұқтажбын?

Үйге тапсырма: Негізгі және туынды етістіктерді қатыстырып 9-Мамыр Жеңіс күніне байланысты шағын мәтін жазу.

Қосымша ақпарат

Саралау – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Денсаулық және қауіпсіздік техникасының сақталуы

Сурет бойынша жұмыс жүргізілгенде оқушылардың бұрыннан білетін мәліметтеріне сүйенеді. Зерек оқушылардан ондай ақпаратты қайдан білетіндіктері сұрау арқылы қолдау көрсетіледі.

Белсенді оқыту әдістері алмастырылып, қолданылады.

Сабақ бойынша рефлексия

Сабақ мақсаттары дұрыс қойылған ба?

Оқушылар оқу мақсаттарына қол жеткізді ме?

Оқу мақсаттарына қол жеткізілмесе себебі неде?

Ынтымақтастыққа қол жеткізілді ме?

Саралау бойынша жұмыстар дұрыс жүргізілді ме?

Уақыт кезеңдері дұрыс сақталды ма?

Жоспардан ауытқулар орын алды ма? Неліктен?

Қорытындылау

Қандай екі нəрсе табысты болды (оқытуды да, оқуды да ескеріңіз)?

1:

2:

Қандай екі нəрсе сабақты жақсарта алды (оқытуды да, оқуды да ескеріңіз)?

1:

2:

Сабақ барысында сынып немесе жекелеген оқушылар туралы келесі сабағымды жетілдіруге не көмектесетін білдім?