Қазақ тілі_3 сынып_ 4- бөлім_ Сәулет өнері_№6 сабақ_ Туынды сөз _презентация

Сабақтың тақырыбы:

Оқу мақсаты: 3.4.2.1* негізгі түбірге жұрнақтар жалғау арқылы туынды сөз жасау, түбірлес сөздердің мағынасын ажырату

Ұйымдастыру кезеңі.

Психологиялық ахуал

Армысың, алтын күн!

Армысың, жақсы дос!

Бос өтпей әрбір күн

Білімге білім қос!

Түбір сөзге жұрнақ жалғану арқылы жасалған сөз туынды сөз деп аталады. Мысалы: ерлік, татулық, жұмысшы

Қай гүлге қай көбелек қонғанда жаңа сөз жасалатынын анықта.

Қандай сөздер шықты? Осы сөздердің әрқайсысынан қандай сөздер жасау?

Алып тоспа

«Медеу» мұзайдының жоғары жағында алып тоспа тұр. Биіктігі 107 метр. Тоспаның құрылысы 1972 жылы аяқталды. Тоспа 1973 жылы 15 маусымда болған апатты селдің алдын бөгеді. Қазаншұңқырдың үштен екі бөлігі суға толды.

1980 жылы құрылыстың екінші кезегі іске қосылды. Әуелгі бөгет тағы 40 метрге биіктетілді. Бөгет тұлғасының өзі бір тау, етегінде – мұзайдын.

«Медеу» мұзайдыны 1972 жылы салынып бітті. Стадионға 12 жарым мың көрермен сияды. Коньки жарысына бейімделген үш сырғанақ жолы бар. Ені бес метрден. Айналым қашықтығы 400 метр.

Оқушылар топтастырылып, сызба бойынша өз сөздік қоржындарындағы сөздерді пайдаланып,түбір сөздерден туынды сөздер жасайды. Өзара бағалайды.

. . .                                                    . . .

. . .                                                    . . .

Мақалды оқып, жатқа жаз.

Білімдіден ақыл шығар,

Ақылды қарттан нақыл шығар.

Туынды сөздерді тауып, оларды сөз құрамына талда.

Мақалдың мағынасын қалай түсінгеніңді айт.

Жазайық

Мәтіннен туынды сөздерді тауып, дәптеріңе көшіріп жаз. Сөздерді құра­мына қарай талда. Түбір мен жұрнақты тиісті белгімен белгіле.

Отырар – аты аңызға айналған ортағасырлық қала. Археологиялық қазбалар кезінде ежелгі қала ор­нынан бірқатар сәулет ескерткіштері табылды. Сәулетті сарайлардың, мешіттердің қалдықтары ар­шылып алынды. Олар – жұма мешіті, тұрғын үйлер, монша ғима­раттары және орталық қақпа мен түрлі қабырғалар. Көне Отырар орта ғасырларда ірі сауда орталығы болған.

Сабақты қорытындылау

Үй тапсырмасы:

Мәтінді көшіріп жаз. Туынды сөздердің астын сыз. Кітапханаға барғаның жайлы әңгімеле.

Алматыдағы ең үлкен кітапхана – Ұлттық кітапхана. Кітапхананың залдары кең, жарық. Кітапханаға оқушылар, студенттер, ғалымдар, жұмысшылар келеді. Мұнда керек кітаптың бәрі бар. Кітапханада мейірімді жандар жұмыс істейді.