Қараңғы түнде тау қалғып. Музыка, 4 сынып, сабақ жоспары.

Ұзақ мерзімді жоспар бөлімі:

1 бөлім: Менің Отаным-Қазақстан

Мектеп: Көкшетау қаласындағы физика-математикалық бағыттағы Назарбаев Зияткерлік мектебі

Күні:

Мұғалімнің аты-жөні: Магавин А.Б. Магавина Г.Г.

Сынып: 4

Қатысқандар саны:

Қатыспағандар саны:

Сабақ тақырыбы

Қараңғы түнде тау қалғып

Осы сабақта қолжеткізілетін оқу мақсаттары (оқу бағдарламасына сілтеме)

4.1.1.1 - музыкалық көркемдеуші құралдардың көмегімен, әуеннің жанрын, көркемдік образдарын анықтау және салыстыру;

4.1.1.2 -музыкалық шығарманың дыбыстауын түрлі орындауда тыңдатып анықтау және салыстыру ;

4.1.2.1 - ән айту ережесін сақтай отырып, түрлі сипаттағы екі дауысты қарапайым элементтері бар әндерді орындау;

Сабақ мақсаттары

Оқушылар

• Абайдың «Қараңғы түнде тау қалғып» әнін тыңдайды және талдайды
• Әнді нотамен және дауыстап орындап үйренеді;
• Әнді екі дауыс элементтерін қолданып орындап үйренеді.

Бағалау критерийлері

Оқушылар:

• Тыңдалған әннің жанрын анықтайды.
• Тыңдалған әндерді салыстырады, жанры мен көркемдеуші құралдарын анықтайды.
• Әнді екі дауыс элементтерін қолдана отырып орындайды.

Тілдік мақсаттар

Оқушылар:

• қажетті терминологияны қолдана отырып, музыканы талқылай және талдай алады;
• өз жұмысына түсініктеме беріп, оны жетілдіру бойынша ұсыныстар жасай алады.

Пәндік лексикасы мен терминологиясы

• классикалық ән
• халықтық жанрдағы ән
• опера
• эстрада

Талқылауға арналған сұрақтар

• Әндердегі музыка не жайын баяндайды?
• Әндердің ұқсастығы мен айырмашылығы неде?
• Әр әнді тыңдай отырып, қандай табиғат суреттерін көзге елестетуге болады?

Құндылықтарды

дарыту

Отанды сүюге, ұлттық музыкамызды құрметтеуге дарыту.

Пәнаралық

байланыстар

АҚТ аудио, видео ресурстарды қолдану кезінде.

Бастапқы білім

Оқушылар «Дархан далам» әнін үйренді, А. Қоразбаевтың «Үш қоңыр» әнін тыңдап, талдап, әннің қайырмиасын нотмаен орындады. Нотаға салған әуенді металлофон аспабында ойнады.

Сабақ барысы

Сабақтағы жоспарланған іс-әрекет

Оқушылармен сәлемдесу

Сергіту сәті ретінде Емельяновтың «қорқынышты ертегі» және «динозавр», «санау» жаттығуларын орындау.

Ән орындау

Өткен сабақта үйренген Б.Қыдырбектің «Дархан далам» әнін орындау

Бүгінгі сабақта біз сабақ тақырыбы айтып тұрғандай Абай Құнанбаевтың «Қараңғы түнде тау қалғып» әнін қарастырамыз.

Абай «Қараңғы түнде тау қалғып» әнінің сөзін орыс ақын-жазушысы М.Лермонтовтың «Горные вершины» өлеңінің аудармасын жасау арқылы шығарды.

Лингвист мамандардың айтуынша Абайдың осы өлеңге жасаған аудармасы түп нұсақадағы ойлар мен сөздерді нақты жеткізе білді. Осы әннің сөзінде айтылған табиғатқа шабыттанған Абай тек аударып өлең ретінде шығармай, әдемі әуен шығарды. Осындай табиғаттың әдемі көрінісі мен екі ақынның шығармашылығынан қазір біз сіздермен тыңдайтын «Қараңғы түнде тау қалғып» әні туды.

1-тапсырма. Музыка тыңдау және талдау.

Балалар, қазір біз екі музыкалық шығарма тыңдаймыз. Ән әнді тыңдаған кезде әннің музыкалық көркемдеуші құралдарына, әннің жанрына, сипатына көңіл бөліңіздер.

1.Сөзі мен әні Абайдың «Қаранғы түнде тау қалғып» әнін түрлі орындауда тыңда.

-Орындаулардың ұқсастығы мен айырмашылығы неде?

-Ән қандай аспаптармен сүйемелденіп тұр?

-Сенің ойыңша қай орындау ерекше? Неліктен?

Тапсырмаға дескрипторлар:

Білім алушы

-екі түрлі орындаудағы ерекшеліктерді айтады;

-екі орындаудың музыкалық көркемдеуші құралдарын анықтайды;

-екі түрлі орындауға байланысты өз пікірлерін айтады;

-екі түрлі орындаудағы ұқсастықтар мен айырмашылықтарды айтады.

М. Лермонтовтың сөзіне жазылған музыкасы А. Варламованың «Горные вершины» әнін тыңдаңыздар

Сұрақтарды талқылаңыз:

• Музыка нені баяндайды?
• Әннің көңіл күйі қандай?
• Әндердің ұқсастығы мен айырмашылығы қандай?
• Әр әнді тыңдай отырып, табиғаттың қандай көріністерін елестетуге болады?

2-тапсырма. Музыка тыңдау және талдау.

Сөзі мен әні Абайдың «Қаранғы түнде тау қалғып» әнін түрлі орындауда тыңдаңыздар.

• Орындаулардың ұқсастығы мен айырмашылығы неде?
• Ән қандай аспаптармен сүйемелденіп тұр?

3-тапсырма. Ән үйрену.

«Қаранғы түнде тау қалғып» әнін үйреніңіз және орындаңыз.

6. Рефлексия

• Орындауда не жақсы шықты?
• Не жаман шықты?
• Тағы нені жақсартуға болады.

7. Қорытынды. Оқушылар ауызша бүгінгі сабақтан алған әсерлерімен бөлісіп, өзара бағалау жүргізеді.

Саралау

Бағалау

Денсаулық және қауіпсіздік техникасының сақталуы

Музыкалық мектепке баратын оқушылар, әннің партитурасын оқиды.

Бақылау

Бағалау критерийлері

Дескрипторлар бойынша

Сабақ барысында қауіпсіздік ережелерді сақтайды.

Емельянов жаттығулары оқушылардың тыныс алу жолдарын дамытуға септігін тигізеді.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?