Айнымалысы модуль таңбасының ішінде берілген бір айнымалысы бар сызықтық теңсіздік. Айнымалысы модуль таңбасының ішінде берілген бір айнымалысы бар сызықтық теңсіздіктерді шешу. Математика, 6 сынып, сабақ жоспары.

Ұзақ мерзімді жоспар бөлімі:

6.3В Бір айнымалысы бар сызықтық теңсіздіктер

Мектеп: Атырау қаласындағы химия-биология бағытындағы Назарбаев Зияткерлік мектебі

Күні:

Мұғалімнің аты-жөні: Шайхиева Н.Ш.

Сынып:

Қатысқандар саны:

Қатыспағандар саны:

Айнымалысы модуль таңбасының ішінде берілген бір айнымалысы бар сызықтық теңсіздік. Айнымалысы модуль таңбасының ішінде берілген бір айнымалысы бар сызықтық теңсіздіктерді шешу.

6.2.2.15

теңсіздіктер түрінде берілген нүктелер жиынын координаталық түзуде кескіндеу.

Оқушылар:

• - саның модулі мен оның қасиеттерін біледі;
• - айнымалысы модульдің ішінде берілген жай теңдеулерді шешу әдістерін біледі;
• айнымалысы модуль таңбасының ішінде берілген бір айнымалысы бар сызықтық теңсіздіктерді шешудің тиімді тәсілдерін қолданады;
• теңсіздіктер түрінде берілген нүктелер жиынын координаталық түзуде кескіндейді;
• теңсіздіктердің шешімдерін сан аралығы арқылы және берілген сан аралығын теңсіздік түрінде жазады.

Оқушылар:

• айнымалысы модуль таңбасының ішінде берілген бір айнымалысы бар сызықтық теңсіздіктерді шешудің тиімді тәсілдерін қолдана алады;
• теңсіздіктер түрінде берілген нүктелер жиынын координаталық түзуде кескіндей алады;
• теңсіздіктердің шешімдерін сан аралығы арқылы және берілген сан аралығын теңсіздік түрінде жаза алады.

Оқушылар:

• бір айнымалысы бар сызықтық теңсіздіктерді шешу алгоритмін түсіндіреді.

Пәнге қатысты лексика мен терминология:

- теңсіздік;

- қатаң теңсіздік;

- қатаң емес теңсіздік;

- теңсіздіктерді шешу;

- сызықтық теңсіздік.

Диалогқа/жазылымға қажетті тіркестер:

• x>5 теңсіздігінің шешімі ... аралығы болып табылады;
• теңсіздіктің екі жақ бөлігін де теріс санға көбейткенде/бөлгенде теңсіздік белгісін өзгереді;
• теңсіздіктің екі жақ бөлігін де оң санға көбейткенде/бөлгенде теңсіздік белгісін өзгеріссіз қалады.

Топтық және жұппен жұмыс жасата отырып оқушыларда өзара сыйластық, сенімділік, қарым-қатынасты қалыптастыру

• Қазақ әдебиет

• Шамаларды салыстыра алу; теңдеулерді шешу дағдылары; сандық түзумен жұмыс жасау дағдылары.

Сабақ барысы

Сабақтағы жоспарланған іс-әрекет

Ұйымдастыру кезеңі.

Оқушыларды жинақтау, оқу құралдарын түгендеу.

Амандасу. Ынтымақтастық ортаны қалыптастыру.

Оқушылардың көңіл күйлерін біліп, психологиялық ахуал тудыру. Оқушылар бір-біріне жылылық сыйлау.

Психологиялық ахуал

«Неге?» тренингі

Оқушылар шеңбер бойымен тұрады да, бір-біріне белгілі бір сөйлем айтады да келесі оқушыға «неге?» деген сұрақ қояды. Ол оқушы ары қарай жауаппен жалғастырады да, «неге?» деген сұрақ қояды. Мысалы, Бүгінгі сабақ ерекше өтеді неге? Келесі оқушы: Өйткені біз сабаққа қызығушылықпен қатысамыз неге? т.с.с. жалғасады.

Үй тапсырмасын тексеру, оқушылар бір-бірінің дәптерлерін тексереді, түсінбеген сұрақтарын тақтада орындайды.

«Кім жылдам» - өткен тақырып бойынша қайталау есептері.

Жаңа тақырып.

Ссылка:

https://bilimland.kz/kk/subject/matematika/6-synyp/ajnymalysy-modul-tangbasynyng-ishinde-berilgen-bir-ajnymalysy-bar-syzyqtyq-tengsizdikter

Айнымалысы модуль таңбасының ішінде берілген бір айнымалысы бар сызықтық теңсіздіктер

|x| > 6; |x| ≥ 2; |x + 2| ≤ 7 – айнымалысы модуль таңбасының ішінде берілген бір айнымалысы бар сызықтық теңсіздіктер.

Егер a > 0 болса:

• |x| ≤ а теңсіздігі –а ≤ x ≤ а теңсіздігімен немесе

теңсіздіктер жүйесімен мәндес.

• |x| < а теңсіздігі –а < x < а теңсіздігімен немесе

теңсіздіктер жүйесімен мәндес.

Мысалдар.

• |x| ≤ –5,7 теңсіздігі –5,7 ≤ x ≤ 5,7 теңсіздігімен мәндес.
• |x| < 7 теңсіздігі –7 ≤ x ≤ 7 теңсіздігімен мәндес.

а > 0 болса:

• |x| ≥ а теңсіздігінің шешімдері – x ≥ a, x ≤ –a теңсіздіктер шешімдерінің бірігуі.
• |x| > а теңсіздігінің шешімдері – x > a, x < –a теңсіздіктер шешімдерінің бірігуі.

Егер a < 0 болса, онда:

• |x| ≤ а және |x| < а теңсіздіктерінің шешімдері болмайды.
• |x| ≥ а және |x| > а теңсіздіктерінің шешімдері – (–∞; ∞) аралығындағы кез келген сан.

Мысалдар.

• |x| ≤ –9 теңсіздіктің шешімі болмайды.
• |x| > –2 теңсіздіктің шешімі кез келген сан, яғни (-∞; ∞) аралығы.
• |x| ≤ 0 теңсіздіктің 0-ге тең бір ғана шешімі бар.

|x + 3| ≤ 6 теңсіздігін шешейік.

Теңсіздіктер жүйесі түрінде жазайық,

Яғни –9 ≤ x ≤ 3.

Бұл теңсіздікті қос теңсіздік түрінде де шешуге болады:

–6 ≤ x + 3 ≤ 6;

–6 – 3 ≤ x + 3 – 3 ≤ 6 – 3;

–9 ≤ x ≤ 3;

–9 ≤ x ≤ 3 қос теңсіздігін қанағаттандыратын x сандар жиыны сан аралығында жатады.

Жалпы сыныппен жұмыс.

№1. Кестені толтыр. Жауабы дұрыс болса, «+» белгісін, қате болса, «–» белгісін қой.

№2. |2x – 2| < 8 теңсіздігін шеш.

№3. |x – 4| ≤ 6 теңсіздігін шеш.

Оқушылар тапсырманы орындарында отырып орындайды немесе түсінбеген оқушылар тақтада орындайды.

Сергіту сәті.

Қолдарын кеудесіне қойып - Менің,

Қолдарын жайып - Отаным,

Шапалақтап - Қазақстан!

Жоғары- төмен қарайық,

Оңға, солға түзу тұр.

Бойымызға күш жинап,

Біз дем алып алайық.

Жұптық жұмыс.

№1. Теңсіздікті шеш: |x – 1|≤ 2.

a) [– 3; – 1]

b) (–∞; – 3)(1; + ∞)

c) (–∞; – 1)(3; + ∞)

d) [– 1; 3]

№2. Теңсіздікті шеш: |1 – 2x| ≤ 5.

x < – 2, x > 3

– 2 ≤ x ≤ 3

x ≤ – 2, x ≥ 3

– 2 < x < 3

№3. Теңсіздікті шеш: |2 + x| < 1,5.

a) (–3,5; –0,5)

b) (–∞; –3,5] ∪ [–0,5; +∞)

c) [–0,5; 3,5]

d) (–∞; 0,5] ∪ [3,5; +∞)

Бағалау: Қатар отырған оқушылар бір-бірінің дәптерлерін тексеріп, бағалайды.

Сабақты қорытындылау.

Үйге тапсырма.

№1. Теңсіздікті шеш: |–x – 2| ≥ 2.

a) x ≤ – 4, x ≥ 0

b) x < 0, x > 4.

c) x ≥ – 4, x ≤ 0

d) 0 ≤ x ≤ 4

№2. Теңсіздікті шеш: |x – 3| > 4.

a) [– 7; 1]

b) x ≤ – 1, x ≥ 7

c) (– 1; 7)

d) x < – 1, x> 7

Рефлексия.

Кері байланыс «Нысана»

Сары түсті шеңбер «бұл тақырып маған өте қызық болды...»

Қызыл түсті шеңбер «маған бәрі түсінікті!»

Көк түсті шеңбер «маған көмек қажет»

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы.

АКТ-мен байланыстар

Саралау тапсырмалары жалпы сыныптық және жұптық жұмыстардың әр кезңінде беріледі.

Жалпы сыныптық және жұптық жұмыста қабілеті жоғары оқушылар өз жолдастарына көмек жұмыстарын ұйымдастырады.

• Бағалау сабақтың барлық бөлімінде жүреді, ауызша жауап берген оқушыларды мадақтау. Тапсырманы дұрыс орындаған оқушыларды смайликтермен мадақтау

Оқушылармен сергіту сәті жүргізіледі.