Айнымалысы модуль таңбасының ішінде берілген бір айнымалысы бар сызықтық теңсіздік. Айнымалысы модуль таңбасының ішінде берілген бір айнымалысы бар сызықтық теңсіздіктерді шешу. Математика, 6 сынып, қосымша материал.

Сабақты өткізуге әдістемелік ұсыныстар.

Тақырыбы: «Айнымалысы модуль таңбасының ішінде берілген бір айнымалысы бар сызықтық теңсіздік»

Сабақтың мақсаты:

6.2.2.15

теңсіздіктер түрінде берілген нүктелер жиынын координаталық түзуде кескіндеу.

Бағалау критерийлері:

Оқушылар:

• айнымалысы модуль таңбасының ішінде берілген бір айнымалысы бар сызықтық теңсіздіктерді шешудің тиімді тәсілдерін қолдана алады;
• теңсіздіктер түрінде берілген нүктелер жиынын координаталық түзуде кескіндей алады;
• теңсіздіктердің шешімдерін сан аралығы арқылы және берілген сан аралығын теңсіздік түрінде жаза алады.

Сабақ барысы.

Ұйымдастыру кезеңі.

Оқушыларды жинақтау, оқу құралдарын түгендеу. Амандасу. Ынтымақтастық ортаны қалыптастыру.

Психологиялық ахуал:

«Сіздің көңіл күйіңіз қандай?»

Мақсаты: оқушылар көңіл күйін білу.

1а) Интерпритация

Қызыл-қуанышты көңіл күй,

Алқызыл-ұнамды көңіл күй,

Сары-жағымды көңіл күй,

Көк-суық көңіл күй,

Қоңыр-қиналған көңіл күй,

Күлгін-алаңдаушы көңіл күй,

Қара-күш қуаттың төмендеуі,

Ақ-анықталмаған көңіл күй.

Үй тапсырмасын тексеру, оқушылар бір-бірінің дәптерлерін тексереді, түсінбеген сұрақтарын тақтада орындайды.

Топтарға бөлу. «Қағаз қиындылары»

Бірнеше құттықтау қағаздарын топ құрамындағы оқушылар саны бойынша беске, алтыға жыртып, оларды араластырып, оқушыларға таратып беру керек. Оқушылар қиықтарды құрастырып бүтін сурет шығарады. Сол арқылы төрт топқа бөлінеді.

Топқа арналған ереже:

• белсенді болу;
• шыдамдылық таныту;
• достық қарым-қатынаста болу;
• бір-бірінің ойын сыйлау;
• басқа адамды тыңдай білу;
• барлығын бірге жасау;
• ынтымақтастықта жұмыс жасау.

«Ой түрткі» оқушылармен айнымалысы модуль таңбасының астында болатын теңсіздіктерді шешу жолдарын еске түсіріп қайталайды.

Жақсы жауап берген оқушыларды мадақтау немесе әр түрлі смайликтермен мадақтау.

Оқу мақсатын меңгеру мақсатында топтық жұмыста берілген тапсырмаларды орындау. Топтық жұмыс

«Алтын балыққа арналған аквариум» әдісі

Оқушыларға жасырын суреттер таратылады, кімге балық түссе, сол алтын балық болады, оқушы алтын балықтың маскасын киіп, ортаға шығады. Басқа оқушылар оған сұрақтар қояды. Егер жауап бере алмаса топ мүшелері көмектесуіне болады. Басқа топ мүшелеріне де ойын осылай жалғасады.

Топтық жұмыс.

1; 3 топ

А деңгейі

Теңсіздіктерді шешіңіздер, шешімін координаталық түзуде кескіндеңдер:

а) 5; б) 7;

В деңгейі

Теңсіздіктерді шешіңдер және оның шешімдері болатын бүтін сандар жиынын жазыңдар:

а) 7; б) 4;

С деңгейі

Қос теңсіздіктерді шешіңіздер:

а) 5;

б) 4;

в) 6;

2; 4 топ

А деңгейі

Теңсіздіктерді шешіңіздер, шешімін координаталық түзуде кескіндеңдер:

а) 3; б) 2;

В деңгейі

Теңсіздіктерді шешіңдер және оның шешімдері болатын бүтін сандар жиынын жазыңдар:

а) 3; б) 7;

С деңгейі

Қос теңсіздіктерді шешіңіздер:

а) 3;

б) 7;

в) 6;

Тапсырмалары бірдей топтар бір-бірінің жұмыстарын тексеріп, бағалайды.

Жауаптары:

Топтық жұмысты орындап болғаннан соң оқушылармен сергіту сәтін жүргізу.

Сергіту сәті

• Сағаттың тіліндей
• Иіліп оңға бір.
• Сағаттың тіліндей
• Иіліп солға бір.
• Оң аяқ, сол аяқ,
• Оң аяқ, сол аяқ,

Жаттығу оңай - ақ.

Сергіту сәті аяқталғаннан соң оқушылармен оқу мақсатын меңгеруін тексеру мақсатында топтық жұмыстар жүргізу.

«Есепті жалғастыр ...»

Әр топ айнымалысы модуль таңбасының астында болатын теңсіздіктерге есеп құрастырып, өздері орындарында шығарады және сол есептерін келесі басқа топқа беріп, нәтижесін өздері тексереді. Уақыт аяқталғаннан соң топ мүшелері өз жұмыстары бойынша қорытынды жасайды және бірін-бірі бағалайды.

Әр топ оқушылары өз орындаған жұмыстары бойынша жалпы қорытынды жасайды

Содан соң үйге тапсырма беріледі.

Үйге тапсырма: №1080.

Содан соң бүгінгі сабақты қорытындылап, оқушылар оқу мақсатын қалай меңгергендігі туралы өз ой – пікірлерін айтады.

Рефлексия:

«Анкета» әдісі.

Оқушыларға кішігірім анкета ұсынылады, ол өзгертуге болатындай толықтырылып отырылады, яғни сабақтың қандай ерекше элементтеріне көңіл аудару керектігін белгілейді. Оқушылардан өздерінің жауаптарын дәлелдеп беруін сұрауға болады.

 Пайдалы әдебиеттер мен сілтемелер:

• Математика, 2-бөлім, Жалпы білім беретін оқулық мектептің 6 - сыныбына арналған,

Алматы «Атамұра» 2015, төртінші басылымы.

• http://100ballov.kz/mod/page/view.php?id=461
• https://www.metod-kopilka.ru/sergitu-sti-zhinai-70273.html