Теңдеулер көмегімен мәтінді есептерді шығару. Математика, 6 сынып, сабақ жоспары.

Ұзақ мерзімді жоспар бөлімі:

6.3А Бір айнымалысы бар сызықтық теңдеу

Мектеп: Атырау қаласындағы химия-биология бағытындағы Назарбаев Зияткерлік мектебі

Күні:

Мұғалімнің аты-жөні: Шайхиева Н.Ш.

Сынып:

Қатысқандар саны:

 Қатыспағандар саны:

Теңдеулер көмегімен мәтінді есептерді шығару.

6.5.1.6

мәтінді есептерді сызықтық теңдеулерді құру арқылы шығару;

Оқушылар:

• Мәтін есепте белгісізді анықтайды;
• Мәтін есептің математикалыұ моделін құрады;
• Cызықты теңдеулер құрастыра отырып, мәтін есептерді шығарады;
• Бір айнымалысы бар теңдеуді шешудің алгоритмін біледі;
• Бір айнымалысы бар теңдеудің қасиеттерін біледі;
• Бір айнымалысы бар сызықтық теңдеулерді шешеді.

Оқушылар:

• Мәтін есепте белгісізді анықтай алады;
• Мәтін есептің математикалыұ моделін құра алады;
• Cызықты теңдеулер құрастыра отырып, мәтін есептерді шығара алады;
• Бір айнымалысы бар теңдеуді шешудің алгоритмін біледі;
• Бір айнымалысы бар теңдеудің қасиеттерін біледі;
• Бір айнымалысы бар сызықтық теңдеулерді шығара біледі.

Оқушылар:

• сызықты теңдеудің анықтамасын және түрін, санды теңдіктердің қасиеттерін, модуль анықтамасын біледі;
• тепе-тең түрлендірулерді орындай отырып, теңдеулерді сызықты түрге келтіреді;
• теңдеулердің қасиеттерін айта алады;
• сызықты теңдеулердің коэффициенттерін нұсқай отырып, сызықты теңдеулерді сипаттайды;
• теңдеулердің қасиеттерін қолдана отырып, теңдеулердің шешіміне түсінік береді;
• мәтін есептің берілгеніне сәйкес математикалық моделін құрастыру алгоритмін сипаттайды.

Пәнге қатысты лексика мен терминология:

• теңдеу;
• теңдеудің түбірі;
• теңдеудің сол жағы;
• теңдеудің оң жағы;
• тепе-тең түрлендіру;
• сызықты теңдеу;
• сызықты теңдеудің коэффициенттері;
• математикалық модель.

Диалогқа/жазылымға қажетті тіркестер:

• теңдеу деп – құрамында мәнін табу қажет болатын айнымалысы бар теңдікті айтамыз.
• теңдеудің түбірі деп ...;
• теңдеуді шешу дегеніміз - ...;
• сызықты теңдеу деп ...;
• егер теңдеудің екі жағына бірдей санды қоссақ, онда ...;
• егер теңдеудің екі жағын нөлден өзге бірдей санға көбейтсек, онда ...;
• «х ... болсын»;
• ... екенін біле отырып, теңдеуді құрамыз және шығарамыз;
• ... белгілі болса, онда ... теңдеуін құрамыз;
• теңдеуді шешіп, есептің жауабы болып табылатын айнымалының мәнін табамыз.

- Оқушылар өзара қарым-қатынаста адал және шынайы айқын;

- Өзгенің пікірін құрметтеу;

- Өз бетінше білім алу қабілеттерін дамыту;

Қазақ әдебиет

Амалдарды орындауда белгісіз компоненттерді табу ережелерін білу. Теңдеулерді шеше алу.

Сабақ барысы

Сабақтағы жоспарланған іс-әрекет

Ресурстар

Ұйымдастыру. Амандасу.

Оқушылардың көңіл күйлерін біліп, психологиялық ахуал тудыру. Оқушылар бір-біріне жылылық сыйлау.

Психологиялық ахуал

«Аялы алақан»

Мақсаты: жылылық, сенімділік деңгейін, еркіндікті дамыту.

Нұсқаулық: қатысушылар шеңбер болып отырады. «Бүгінгі сабақтан не алғыңыз, не көргіңіз келеді?» — сұрағын оқушыларға қойып, сұрақтарға жауап алу. Бастапқы қатысушы жанындағы көршісінің қолын ұстайды. Солай жалғасып оқушылар шеңбер бойына тұрады.

Үй тапсырмасын тексеру, оқушылар дауыстап оқи отырып, үй тапсырмасын дұрыстығын тексереді, егер дұрыс болмаса, онда тақтаға шығып орындайды немесе қалай шығатынын түсіндіреді.

Презентация

Ауызша «Кім тез есептейді»

Презентация

Смайликтер

Қосымша 1

Математика.

6 класс. Учебник.

Виленкин Н.Я. и др.

Жұптық жұмыс

1 жұп

№1. Теңдеуді шешіңдер:

3(у - 5) - 2(у – 4) = 8. Ж: 15.

№2. Бірінші бидондағы сүт екінші бидонға қарағанда 3 есе көп. Егер бірінші бидоннан екінші бидонға 20 л сүтті құйса, онда екі бидонда да сүт бірдей болады. Әр бидонда қанша литрден сүт бар?

2 жұп

№1. Теңдеуді шешіңдер:

-5(5 – x) - 4x = 18. Ж: 43.

№2. AB кесіндісінің ұзындығы CD кесіндісіне қарағанда 2 см ұзын. Егер AB кесіндісін 10 см, ал CD кесіндісін 3 есе ұзартса, онда екі кесінді бірдей өлшемге тең болады. AB кесіндісінің ұзындығын табыңдар.

3 жұп

№1. Теңдеуді шешіңдер:

(3x – 6) - (7x - 21) = 9. Ж: -5.

№2. Қаладан ауылға дейін автобус 1,8 сағатта, ал жеңіл машина 0,8 сағатта жүреді. Егер автобустың жылдамдығы жеңіл машинаның жылдамдығынан 50 км/сағ кем болса, онда автобустың жылдамдығы неге тең?

4 жұп

№1. Теңдеуді шешіңдер:

5,4(3y – 2) – 7,2(2y – 3) = 1,2. Ж: -5

№2. Бірінші машинаға екінші машинаға қарағанда 0,6 т астықты артық тиеді. Егер бірінші машинаға 1,2 есе, ал екінші машинаға 1,4 есе көп жүк тиесе, онда екі машинада да жүк бірдей болады. Әр машинаға қанша тонна жүк тиеді?

Дескриптор: Білім алушы:

№1. – жақшаны ашып, ұқсас мүшелерді біріктіреді;

• айнымалысы бар мүшені теңдіктің бір жағана, бос мүшені теңдіктің екінші жағына қарама-қарсы таңбамен көшіреді.
• ax = b түріне келтіреді;
• теңдеудің түбірін табады;
• жауабын жазады.

№2. – белгісіз шаманы анықтайды;

• мәтінді есептің шартын құрады;
• бір айнымалысы бар теңдеу құрады;
• ax = b түріне келтіреді;
• теңдеудің түбірін табады;
• жауабын жазады.

Тапсырмалары бірдей жұптар бірін-бірі дескриптор арқылы тексереді және бағалайды.

Математика.

6 класс. Учебник.

Виленкин Н.Я. и др.

Қосымша 2

Сергіту сәті

1 дегенде тұрайық,2, 3, 4 – алақанды соғайық,Оң жаққа бұрылып,Сол жаққа бұрылып,Бір отырып, бір тұрып,Біз жүгіріп алайық.5 дегенде асықпай,Орнымызды табайық.

https://www.metod-kopilka.ru/sergitu-sti-zhinai-70273.html

Презентация

Жеке жұмыс

№1. 3 саны аталған теңдеулердің түбірі болатын теңдеулерді шешпей анықта.

А) 3х=0; В) -х+2=-1; С) 3x=0; Д) x+1=2x-10

№2. Теңдеуді шеш: 0*х = 0

А) 0; В) 1; С) х – кез-келген сан; Д) түбірі жоқ.

№3. Теңдеуді шеш: 6х-7=х+3

А) 2 ; В) -4/7; С )-4; Д) 1*3/7.

№4. Теңдеуді шеш: 2(6-х)-11=5(3х+7)

А) -2*8/3; В) -2; С) 25; Д) 2 .

№5. Автомобиль 3 сағат тас жолмен және 4 сағат жылдамдығын тас жолдағыдан 16 км/сағ-қа кемітіп, жай жолмен жүрді. Осы уақыт аралығында автомобиль 349 км жол жүрді.Автомобильдің тас жолдағы және жай жолдағы жылдамдығын тап.

А) 7(х+6)=349; В) 7(2х-16)=349

С) 4х+3(х-16)=349; Д) 4х+3(х+16)=349.

№6. 7 орам печенье және 6 қалта шемішке сатып алынды. Барлық сатып алынған заттың массасы 4 кг. Печенье орамы шемішке қалтасынан 0,2 кг-ға артық. Печенье орамының массасын және шемішке қалтасының массасын тап.

А) 13х-0,2=4; В) 13(2х-0,2)=4

С) 6х+7(х+0,2)=4; Д) 6(х+0,2)+7х=4.

№7. Қазір апасының жасы інісінің жасы одан 3 есе кіші болғандағы жасынан 6 есе үлкен. Егер 20 жылдан кейін олардың жастары бірге 100 жыл құрайтын болса, қазір олар неше жаста болғаны.

А)50 жас және 50 жас; В)18 жас және 6 жас

С)36 жас және 24 жас; Д)38 жас және 26 жас

Дұрыс жауаптар:

1-В, 2 – С, 3 – А, 4 – В, 5 – Д, 6 – С, 7 – С.

Қосымша 3

Үйге тапсырма: №870 – есеп.

Рефлесия:

1. Сабақтың мақсаты қандай болды?

2. Мен мақсатқа жеттім бе?

3. Мен не білдім?

4. Мен нені үйрендім?

5. Мен нені түсінбедім?

6. Мен не бойынша әлі де жұмыс істеуім керек?

Математика 2 бөлім, 6 сынып, Т.А. Алдамұратова 2015

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы.

АКТ-мен байланыстар

Саралау тапсырмалары жұптық, жеке жұмыстарда беріледі. Жұптық жұмыста қабілеті жоғары оқушылар өз жолдастарына көмек жұмысын ұйымдастырады.

Бағалау сабақтың барлық бөлімінде жүреді, ауызша жауап берген оқушыларды мадақтау. Тапсырманы дұрыс орындаған оқушыларды смайликтермен мадақтау

Оқушылармен сергіту сәті жүргізіледі.