Теңдеулер көмегімен мәтінді есептерді шығару. Математика, 6 сынып, сабақ жоспары.

Ұзақ мерзімді жоспар бөлімі:

6.3А Бір айнымалысы бар сызықтық теңдеу

Мектеп: Атырау қаласындағы химия-биология бағытындағы Назарбаев Зияткерлік мектебі

Күні:

Мұғалімнің аты-жөні: Шайхиева Н.Ш.

Сынып:

Қатысқандар саны:

 Қатыспағандар саны:

Теңдеулер көмегімен мәтінді есептерді шығару.

6.5.1.6

мәтінді есептерді сызықтық теңдеулерді құру арқылы шығару;

Оқушылар:

• Мәтін есепте белгісізді анықтайды;
• Мәтін есептің математикалыұ моделін құрады;
• Cызықты теңдеулер құрастыра отырып, мәтін есептерді шығарады;
• Бір айнымалысы бар теңдеуді шешудің алгоритмін біледі;
• Бір айнымалысы бар теңдеудің қасиеттерін біледі;
• Бір айнымалысы бар сызықтық теңдеулерді шешеді.

Оқушылар:

• Мәтін есепте белгісізді анықтай алады;
• Мәтін есептің математикалыұ моделін құра алады;
• Cызықты теңдеулер құрастыра отырып, мәтін есептерді шығара алады;
• Бір айнымалысы бар теңдеуді шешудің алгоритмін біледі;
• Бір айнымалысы бар теңдеудің қасиеттерін біледі;
• Бір айнымалысы бар сызықтық теңдеулерді шығара біледі.

Оқушылар:

• сызықты теңдеудің анықтамасын және түрін, санды теңдіктердің қасиеттерін, модуль анықтамасын біледі;
• тепе-тең түрлендірулерді орындай отырып, теңдеулерді сызықты түрге келтіреді;
• теңдеулердің қасиеттерін айта алады;
• сызықты теңдеулердің коэффициенттерін нұсқай отырып, сызықты теңдеулерді сипаттайды;
• теңдеулердің қасиеттерін қолдана отырып, теңдеулердің шешіміне түсінік береді;
• мәтін есептің берілгеніне сәйкес математикалық моделін құрастыру алгоритмін сипаттайды.

Пәнге қатысты лексика мен терминология:

• теңдеу;
• теңдеудің түбірі;
• теңдеудің сол жағы;
• теңдеудің оң жағы;
• тепе-тең түрлендіру;
• сызықты теңдеу;
• сызықты теңдеудің коэффициенттері;
• математикалық модель.

Диалогқа/жазылымға қажетті тіркестер:

• теңдеу деп – құрамында мәнін табу қажет болатын айнымалысы бар теңдікті айтамыз.
• теңдеудің түбірі деп ...;
• теңдеуді шешу дегеніміз - ...;
• сызықты теңдеу деп ...;
• егер теңдеудің екі жағына бірдей санды қоссақ, онда ...;
• егер теңдеудің екі жағын нөлден өзге бірдей санға көбейтсек, онда ...;
• «х ... болсын»;
• ... екенін біле отырып, теңдеуді құрамыз және шығарамыз;
• ... белгілі болса, онда ... теңдеуін құрамыз;
• теңдеуді шешіп, есептің жауабы болып табылатын айнымалының мәнін табамыз.

- Оқушылар өзара қарым-қатынаста адал және шынайы айқын;

- Өзгенің пікірін құрметтеу;

- Өз бетінше білім алу қабілеттерін дамыту;

Қазақ әдебиет

Амалдарды орындауда белгісіз компоненттерді табу ережелерін білу. Теңдеулерді шеше алу.

Сабақ барысы

Сабақтағы жоспарланған іс-әрекет

Ресурстар

Ұйымдастыру. Амандасу.

Оқушылардың көңіл күйлерін біліп, психологиялық ахуал тудыру. Оқушылар бір-біріне жылылық сыйлау.

Психологиялық ахуал

Бір-бірімізді тыңдаймыз десек 1 рет қол шапалақтаймыз!

Ұйымшыл боламыз десек 2 рет

Белсенділік танытамыз десек 3 рет шапалақтаймыз!

Үй тапсырмасын тексеру, оқушылар бір-бірінің дәптерлерін тексереді, түсінбеген сұрақтарын тақтада орындайды.

Топтарға бөлу. «Қағаз қиындылары»

Бірнеше құттықтау қағаздарын топ құрамындағы оқушылар саны бойынша беске, алтыға жыртып, оларды араластырып, оқушыларға таратып беру керек. Оқушылар қиықтарды құрастырып бүтін сурет шығарады. Сол арқылы топтарға бөлінеді.

Топқа арналған ереже:

• белсенді болу;
• шыдамдылық таныту;
• достық қарым-қатынаста болу;
• бір-бірінің ойын сыйлау;
• басқа адамды тыңдай білу;
• барлығын бірге жасау;
• ынтымақтастықта жұмыс жасау.

Презентация

Топтық жұмыс

«Алтын балыққа арналған аквариум» әдісі

• Оқушыларға жасырын суреттер таратылады, кімге балық түссе, сол алтын балық болады, оқушы алтын балықтың маскасын киіп, ортаға шығады. Басқа оқушылар оған сұрақтар қояды. Егер жауап бере алмаса топ мүшелері көмектесуіне болады. Басқа топ мүшелеріне де ойын осылай жалғасады.

Презентация

Смайликтер

Топтық жұмыс

1; 3 топ

№1. Өрнекті ықшамдаңдар:

5(2a – b) – 3(a – 4b).

№2. Теңдеуді шешеіңдер:

5(y + 6) – (3 – 2y) = -17.

№3. Әкесі қызынан 9 есе үлкен, ал қызы әкесінен 32 жас кіші. Әкесі неше жаста?

№4. Бірінші қатарда екінші қатарға қарағанда 3 есе көп кітап бар. Бірінші қатардан 8 кітапты алып тастап, ал екінші қатарға 14 кітапты қосқанда екі қатарда да кітаптар саны бірдей болды. Алғашында екі қатардың әрқайсысында қанша кітаптан болған?

№5. Теңдеуді шешіңдар:

0,6(x + 7) = 0,5(x – 3) + 6,8.

2; 4 топ

№1. Өрнекті ықшамдаңдар:

6(4x – y) – 2(y + 2x).

№2. Теңдеуді шешеіңдер:

5(2 + 3x) – (7x - 10) = 4.

№3. Анасы баласынан 7 есе үлкен, ал баласы анасынан 35 жас кіші. Анасы неше жаста?

№4. Бірінші аялдамада екінші аялдамаға қарағанда 3 есе аз машина болды. Бірінші аялдамаға 10 машина келіп, ал екінші аялдамадан 16 машина кеткенде екі аялдамада да машиналар саны бірдей болды. Алғашында екі аялдамаданың әрқайсысында қанша машинадан болған?

№5. Теңдеуді шешіңдар:

0,3(x - 2) = 0,2(x – 4) + 0,6.

Жауаптары:

1; 3 топ

2; 4 топ

Тапсырмалары бірдей топтар бір-бірінің жұмыстарын тексеріп, бағалайды.

Математика. 6 кл.

Практикум. Готов. к ГИА Шестакова И.В.-2014

Қосымша 1

Сергіту сәті

• Сағаттың тіліндей
• Иіліп оңға бір.
• Сағаттың тіліндей
• Иіліп солға бір.
• Оң аяқ, сол аяқ,
• Оң аяқ, сол аяқ,

Жаттығу оңай - ақ.

https://www.metod-kopilka.ru/sergitu-sti-zhinai-70273.html

Презентация

«Есепті жалғастыр ...»

Әр топ өмірмен байланысты мәтінді есепті құрастырып, өздері орындарында шығарады және сол есептерін келесі басқа топқа беріп, нәтижесін өздері тексереді. Уақыт аяқталғаннан соң топ мүшелері өз жұмыстары бойынша қорытынды жасайды және бірін-бірі бағалайды.

Үйге тапсырма: №873 – есеп.

Рефлесия:

Мұғалім: Бүгінгі математика сабағы сіздерге не бергенін, алдарыңыздағы түрлі- түсті карточкалар арқылы көрсетіңіздер?

Сіздер өз жұмыстарыңызды қалай бағалар едіңіздер?

Түрлі-түсті карточкалар:

« жасыл карточка – мен бәрін түсіндім »,

« сары карточка – мен түсіндім, бірақ бәрін емес»,

« қызыл карточка – мен ештеңе түсінбедім »,

- Біз сабақ басында қандай мақсат қойып едік?

- Біз мақсатымызға жеттік пе?

Математика 2 бөлім, 6 сынып, Т.А. Алдамұратова 2015

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы.

АКТ-мен байланыстар

Саралау тапсырмалары топтық жұмыстардың әр кезңінде беріледі. Топтық жұмыста қабілеті жоғары оқушылар өз жолдастарына көмек жұмысын ұйымдастырады.

Бағалау сабақтың барлық бөлімінде жүреді, ауызша жауап берген оқушыларды мадақтау. Тапсырманы дұрыс орындаған оқушыларды смайликтермен мадақтау

Оқушылармен сергіту сәті жүргізіледі.