Табиғаттағы өнер. Көркем еңбек, 1 сынып, сабақ жоспары.

Мұғалімнің аты-жөні: Шойынбекова Л.Н.

Қатысқандар саны:

Қатыспағандар саны:

 1. Сабақтың басы, тақырыпты анықтау, сабақтың мақсаттарын қою. Сабақты иллюстрацияларға сүйене, «сен бұны білесің бе?» деген сұрақ қоя отырып, қардан және мұздан жасалған мүсіндер туралы қысқа әңгімеден бастауға болады. Бұл бірінші сынып оқушысына ашық кеңістіктегі, табиғаттағы өнердің үлгісі ретінде көрсетуге түсінікті және нақты жұмыс болады (слайд, 2-ші бет) Содан кейін тақырып пен сабақ мақсатын анықтауға немесе өзіңіз атауға болады.

 Әрі қарай жазық және көлемді форманы түсіндіру керек. 2. Кері байланыс алу. (2 минут) Сурет және адам мүсінін көрсету, олардың қандай айырмашалығы бар екенін сұрау (слайд, 3-ші бет).

Оқушылардың мүмкін жауаптары: Қағаздағы адам қарындашпен салынған, ал адам мүсіні металдан жасалған. Суреттегі адамды біз бір жағынан көреміз. Ал маталдан жасалған адамды барлық жағынан көруге, қолмен ұстауға болады.

 Жазық бейне мен көлемді сұлбаның анықтамасына тоқталып, оқушылардың жауаптарын қорытындылау.

3. «Бұл қызық» тапсырмасы. (3 минут) Жұптық жұмыс түрі.

 Оқушылар лэнд- арт бағытында орындалған жұмыстармен танысуы керек. Оқушылар жұпта бұл жұмыстар қалай орындалғанын талқылайды.

Оқулықта (слайд, 4-ші бет) лэнд-арт бағытының суретшілері Джим Деневан мен Энди Голдсуортидің фотосуреттері берілген. Тақырыпқа сәйкес келетін әуенді ақырын жүргізіп қою. Оқушылар жұпта бұл суреттердің қалай жасалғанын, неден жасалғанын талдайды.

Мүмкін жауаптары: Суретте біз суретшінің жапырақ тәріздес із қалдыра отырып, құмға салған суретін көреміз. Келесі фотосуретте адамдардың қар үстіне шеңбер жасап жатқанын көріп тұрмыз. Осылайша көлемі әр түрлі шеңберлерден сурет шығады. Біз күзгі жапырақтардан салынған шеңберді көріп тұрмыз. Өрнек сұрғылт, қызғылт сары және сары жапырақтармен салынған. Ортасында қара шеңбер бар. Келесі фотосуретте көлемі әр түрлі тастардан жасалған шеңберді көріп тұрмыз. Қарасұр түсті тастар ортасына қарай ашық реңге ауыса бастайды.

 Бұл «картиналарға» ауа райы әсер ететіндіктен олардың уақытша екенін айтып өтіңіз. Сондықтан суретшілер өздерінің жұмыстарын фотоға түсіріп алады. Суретшілер өздерінің жұмыстары арқылы адамның табиғатпен байланысын, өздерінің табиғатқа деген сүйіспеншілігін, Жер-анаға деген құрметін көрсететінін түсіндіріңіз. Олардың да осындай суреттерді жасай алатындығын айтыңыз.

4. «Сен білесің бе?» (слайд, 5-ші бет, 2 минут) айдарында оқушылар өнердің әр алуан бағыттары туралы білімдерін кеңейтеді. Кескіндер мен пішіндерді жерде салу өнері лэнд- арт деп аталатынын түсіндіріңіз. Сосын табиғи материалдарға көшіңіз. Жазық және көлемді кескіндерді жасауға жарайтын табиғи материалдың көп екенін айтыңыз.

6. «Ізден» айдарында оқушыларға сабақта бар табиғи материалдардың «бедері» мен «құрылымын» қарастыруды ұсыныңыз. «Менің мектебім» деп аталатын 2-бөлімде оқушылар «текстура» және «құрылым түсініктерімен танысты. (слайд, 6-шы бет, 3 минут)

Жауаптар: Шыршаның бүршіктері жеке-жеке бөліктерден тұрады, үстіңгі беті ине сияқты, тегіс болмайды.

Қабықтың үсті кедір-бұдыр, тегіс болмайды.

Тастар әртүрлі болады. Тегіс тастарды малта тас деп атайды. Кейбір тастардың қырлары үшкір болады.

7. Шығармашылық жұмыс. (20 минут)

«Орындап көр» айдары табиғи материалмен жұмыс жасау дағдысын бекітеді. Оқушылардың назарын табиғатты аялай білуге аудару керек.

 Өрнек жасау - бұл қарапайым және әдемі жұмыс, бірақ бұған көлемі, пішіні және түсі бойынша сәйкес болатын материал таңдай білу қажет. Сонымен бірге шыдамдылық керек екенін ескерту.

 Тастар немесе құмнан сурет салу. Бұл жұмысты табақта не жалпақ ыдыста орындауға болады. Қатырма қалыпты да шеңбер ретінде қолдануға болады. Қабілеті төмен оқушыларға дайын сурет салынған шеңберлерді беру қажет.

 Шығармашылық жұмыс барысында оқушыларды қадағалап жүру қажет. Қажет болған жағдайда оқушыларға жеке көмек көрсету және қолпаштап отыру керек.

Бұл бөлімді сабақ туралы өз пікіріңізді білдіру үшін пайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.

Оқу мақсаттары дұрыс қойылған.

Оқушылардың барлығы дерлік ОМ жете алды.

Саралау дұрыс жүргізілді деп ойлаймын, себебі оқушылардың қабілеттерін бақылаған болатынмын және тапсырмаларды да балалардың қабілеттеріне байланысты тапсырдым.

Сабақтың уақыттық кезеңдері сақталды. Берілген уақытты жұмыстарын аяқтап үлгерді.\ауытқулар болған жоқ. Сабақ негізінен қызықты өтті, осындай тапсырмаларды орындау балаларға ұнады.